روسيا: وەڵاممان دەبێت بۆ سزاکانی ئەمريکا

0
302

 SNN

وەزارەتی دەرەوەی روسيا رايگەياند:” ئەگەر ئەمريکا سزا بەسەر روسيادا بسەپێنێت لە دۆسييەی ناڤالنيدا وەڵامدانەوەمان دەبێت”.

ئەمڕۆ سێشەممە، سێرگی لاڤرۆڤ وەزيری دەرەوەی روسيا رايگەياند:” مۆسکۆ وەڵامدانەوەی دەبێت بۆ هەر جۆرە سزايەکی نوێی کە ئەمريکا بيسەپێنێت بەسەرياندا، لەسەر دۆسييەی زيندانيکردنی ئەلێکس ناڤالنی سەرکردەی ئۆپۆزسيۆنی روسيا”.

ئەم قسانەی لاڤرۆڤ دوای ئەوەدێت بەشیک لە ميديا جيهانييەکان لە زاری دوو سەرچاوەی ئەمريکی ئاگادار لە دۆسيەکە بڵاويانکردەوە، پێدەچێت ئەمريکا سزا بەسەر روسيادا بسەپێنێت لەسەر دۆسييەی ژەهرخواردکردنی ناڤالنی.

ساڵی رابردوو کۆشکی سەرۆکايەتی روسيا رەتی کردەوە دەستيان هەبووبێت لە نەخۆشکەوتنی ناڤالنيدا و رايگەياند:” هيچ بەڵگەيەکمان بەرچاو نەکەوتووە کە ناڤالنی ژەهر خوارد کرابێت”.

رۆژی ١٨ی کانوونی دووەمی ئەمساڵ، لەدوای گەڕانەوەی ناڤالنی بۆ روسيا لەلايەن پۆليسی ئەو وڵاتەوە لە فڕۆکەخانەی مۆسکۆ دەستگيرکرا، ئەوەش شەپۆلێکی ناڕەزای لايەنگرانی بەدوادا هات و داوايانکرد ئازاد بکرێت.

لە چەند رۆژی رابردووشدا پارێزەرەکەی ناڤالنی رايگەياند:” لە مۆسکۆوە گواستراوەتەوە بۆ زيندانێکی ناديار”.

 

بەشی بکە لە
Previous Next
Close
Test Caption
Test Description goes like this