فەرەنسا ” داعش بەبەهێزی لە عێراق سەريهەڵداوەتەوە”

0
314

SNN

وەزيری دەرەوەی فەرەنسا داوای کۆبونەوەی بەپەلەی هاوپەيمانی نێودەوڵەتی دژی داعش لە عێراق دەکات بەهۆی ئەوەی جموجۆڵەکانی داعش لەو وڵاتە زياديکردووە.

ژان ئێف لۆدريان وەزيری دەرەوەی فەرەنسا رايگەياند” پێويستە بەپەلە هاوپەيمانی نێودەوڵەتی دژی داعش لە عێراق کۆببێتەوە، تێبينی دۆخی عێراقمان کردووە داعش بەشیوەيەکی بە بەهێزی سەريهەڵداوەتەوە”.

وەزيری دەرەوە فەرەنسا باسی لەوەشکرد:” ئەو دۆخە وا لە ئەمريکا و بەرپرسانی عێراق دەکات داوا لە هاوپەيمانی نێودەولەتی دژی داعش بکەن کۆببێتەوە چونکە ماوەيەکی زۆرە کۆنەبونەتەوە، ئەوەش بۆ بەهێزکردنی سەروەری و سەقامگيری عێراق”.

پێش جێهێشتنی کۆشکی سپی دۆناڵد تڕەمپ سەرۆکی پێشوی ئەمريکا، ژمارەی سەربازەکانی  لە عێراق بۆ دوو هەزار و ٥٠٠ سەرباز کەمکردەوە، لەم چوارچێوەيەشدا فەرەنسا داوا لە ئيدارەی جۆ بايدن سەرۆکی ئەمريکا دەکات بەردەوامبێت لە گرنگيدان بە روبەڕوبونەوەی داعش.

 

 

 

 

 

 

بەشی بکە لە
Previous Next
Close
Test Caption
Test Description goes like this