هەرێم کەمال ئاغا ” له‌وانه‌یه تێپەراندنی بودجە بخرێتە هەفتەی داهاتوو”
SNN
هەرێم کەمال ئاغا پەرلەمانتاری يەکێتی لە پەرلەمانی عێراق رايگەياند:” کیشەی کورد لە عێراق تەنها له‌چوارچێوه‌ی بودجه و مووچه خۆی نابینێته‌وه بەڵکو کێشەی جێبەجێکردنی مافە دەستورييەکانە”
هەرێم کەمال ئاغا ئەندامی سەکردایەتی یەکێتیی نیشتمانیی کوردستان و پەرلەمانتاری ئەو حيزبە لە پەرلەمانی عێراق بە دەنگی ئەمريکای راگەياند: “ئه‌وه‌ی كێشه‌ی كورده ته‌نها له‌چوارچێوه‌ی بودجه و مووچه خۆی نابینێته‌وه،بەڵکو كێشه‌ی نه‌ته‌وه‌ی دووه‌م لەعێراق كێشه‌ی دانپێدانانی مافه‌كانی كورده له‌ده‌ستور، هەروەها جێبه‌جێكردنی مافی مه‌سه‌له‌ی مادده‌ی 140 کە له‌ده‌ستوری عێراقدا ده‌نگی پێدراوه”.
هەرێم کەمال ئاغا ئاماژەی بەوەشکرد:” ئه‌وه‌ی كه‌گرنگه به‌لامانه‌وه وه‌كو كورد وه‌كو یه‌كێتی جێبه‌جێكردنی مافه ده‌ستورییه‌كانمانه له‌ده‌ستوری عێراقدا”، وتيشی” بودجه و شایسته داراییه‌كان مافێكی سروشتی خه‌ڵكی كوردستانه كه‌به‌شێكه له‌م عێراقه”.
هەرێم کەمال ئاغا دەشڵێت:”هه‌موو لایه‌نه سیاسیه كوردیییەکان به‌پارتی و یه‌كێتی و گۆڕان و هه‌موو ئیسلامیه‌كانیش له‌سه‌رئه‌وه كۆكیین، كه مافه ده‌ستورییه‌كانمان جێبه‌جێ بكرێت، وه ئه‌و شایسته‌داراییانه‌ی كه‌هه‌مانه مافێكی ده‌ستورییه پێویست ده‌كات وه‌كو ماف وه ئه‌ركی حكومه‌تی هه‌رێمی كوردستانیشه كه به‌یاسا و ڕێكخراو جێبه‌جێ بكرێت”.
هەرێم کەمال ئاغا باسی لە ڕێککەوتنی هەرێم و بەغدا و تێپەڕاندنی لە پەرلەمان کردووە و دەڵێت:” وادەيبينم له‌وانه‌یه بخرێتە هەفتەی داهاتوو”.
وتيشی” حكومه‌تی هه‌رێمی كوردستان ڕازییە به‌وه‌ی كه 250 هه‌زار به‌رمیل نه‌وت ڕاده‌ستی سۆمۆ بكرێت له‌گه‌ڵ ئه‌و داهاته نانه‌وتیانه‌ی به‌داهاتی فیدڕاڵی ناوده‌برێن له ده‌روازه و فڕۆكه‌خانه و ئه‌و شوێنانه‌ی تر ڕادەستی بەغداد بکات”.
