“ئەردۆغان دەوڵەمەندترین سەرۆکە و خەرجی رۆژانەی کۆشکەکەی 1.3 ملیۆن دۆلارە”

0
525

SNN

ئۆپۆزسیۆنی تورکیا رایگەیاند: ئەردۆغان دەوڵەمەندترین سەرۆکی جیهانە و کۆشکی سەرۆکایەتیش لە ئەنقەرە، رۆژانە 1.3 ملیۆن دۆلار لەسەر داهاتی ناوخۆی تورکیا دەکەوێت.

ئەنجین تای جێگری سەرۆکی پەرلەمانی تورکیا و ئەندام لە پارتی گەلی کۆماری رایگەیاند: ئەردۆغان دەوڵەمەندترین سەرۆکی جیهان و باجی ساڵانەی ملیۆنان لیرەیەو کۆشکی کۆماریشی رۆژانە بە بەهای 1.3 ملیۆن دۆلار لەسەر دارایی تورکیا دەکەوێت، کە ئەو پارەیەش بۆ پاسەوانەکانی ئەرۆغان و پاککردنەوە و خزمەتگوزاری کۆشکەکە دەڕوات، لەگەڵ ئەو میوانخانانەی کە تێیدایەتی، ئەمە سەرەڕای پارەی ئۆتۆمبێلی سەرۆک و پاسەوانەکانی و هێلۆکۆپتەر و فڕۆکەکانی کە ئەردۆغان هەیەتی.

تای ئاماژە بەوە دەکات: بوونی ئەردۆغان و خێزانەکەی گەورەترین بەهەدەردانی سامانە لە تورکیادا و پێویستە لیژنەی دارایی تورکیا دوبارە پێداچوونەوە بە داهاتی سەرۆکایەتی کۆمار و کۆشکەکانی بکات، تا بتوانرێت تورکیا لەم قەیرانە دارییەی کە تێیکەوتووە ڕزگاربکرێت.

بەشی بکە لە
Previous Next
Close
Test Caption
Test Description goes like this