ڤیدیۆی دانپێدانانی پێنج رۆژنامەنووسی بادینان بڵاودەکرێتەوە

0
955

SNN

ئەنجومەنی ئاسایشی هەرێمی کوردستان لە ڤیدیۆیەکدا دانپیادانانی پێنج رۆژنامەنووس و چالاکوانی بادینان بڵاودەکاتەوە و تۆمەتباریان دەکات بەوەی کە پەیوەندییان بە پەکەکەوە هەبێت و سیخوڕییان بۆ کردوون.

ئەنجومەنی ئاسایشی هەرێم لە ناوەڕۆکی ڤیدیۆکەدا وتوویەتی: ئەو کەسانە ئەندامی سەندیکای رۆژنامەنووسانی کوردستان نین.

ئەنجومەنی ئاسایشی هەرێم دەڵێت: “ئەو تۆمەتبارانە سیخوڕییان بەسەر بەرپرسانی ئەمنی هەرێم کردووە، لەوانەش ئاسایشی دهۆک, لە بەرامبەریشدا پارەیان وەرگرتووە”.

ئەنجومەنی ئاسایش دەڵێت: لە پەیوەندییەکی تەلەفۆنی نێوان گوهدار زێباری و شێروان شێروانیدا، باس لە پلانی کوشتنی ژمارەیەک بەرپرسی پارتی دەکرێت

دەشڵێت: “ئەو کەسانە کاریان پلاندانان بووە بۆ چەکدارکردنی کەسانی دیکە و دوور و نزیک پەیوەندییان بە کاری رۆژنامەنووسییەوە نەبووە”

رۆژی 16ی ئەم مانگە، دادگای تاوانی هه‌ولێر، سزای شەش ساڵ زیندانی بەسەر پێنج لە دەستگیرکراوانی بادیناندا سەپاند ئەوەش نیگەرانی ناوخۆیی و دەرەکی لێکەوتەوە و داوای ئازادکردنیان دەکرێت.

یەکێک لەو رێکخراوانەی مافی مرۆڤ کە داوای ئازادکردنی رۆژنامەنووسەکانی بادینان دەکات، ئەمنیستی نێودەوڵەتییە کە لە راپۆرتێکیدا نوسیبووی دادگا “بەشێوەیەکی نادادپەروەرانە” سزای هەریەک لە رۆژنامەنوسان شێروان شێروانی، گوهدار زێباری، حسێن عیسا، ئەیاز کەرەم، و شڤان سەعیدی بە شەش ساڵ زیندانیکردن داوە، داوای دەستبەجێ ئازادکردنیشیان دەکات.

بەشی بکە لە
Previous Next
Close
Test Caption
Test Description goes like this