روحانی بۆ کازمی: دەبێت هێزەکانی ئەمریکا لە عێراق بچنەدەرەوە

0
558

SNN

حەسەن روحانی لە پەیوەندییەکی تەلەفۆنیدا لەگەڵ مستەفا کازمی وتی: “دەستوەردانی دەرەکی لە عێراق رەتدەکەینەوە”هەروەها رۆڵی ئەمریکای لە ناوچەکە بە “رۆڵێکی تێکدەرانە” وەسفکرد.

نوسینگەی سەرۆککۆماری ئێران لە راگەیەندراوێکدا بڵاویکردەوە: روحانی و کازمی لە پەیوەندییەکی تەلەفۆنیدا دوایین پێشهاتەکانی ناوچەکەیان تاوتوێکردووە، روحانی بە سەرۆکوەزیرانی عێراقیشی وتووە: “ئاسایشی عێراق و یەکپارچەیی خاکەکەی و سەقامگیری وڵاتەکە بۆ ئێران گرنگە، هەروەها دەستوەردانی دەرەکی لە کاروباری ناوخۆی عێراق رەتدەکەینەوە و بە زیان بۆ عێراق و ناوچەکەش دەیبینین”.

روحانی لە بەشێکی دیکەی قسەکانیدا ئەوەشی وتووە: “بە ملیاران دۆلاری ئێران لە بانکەکانی عێراق بەشێوەیەکی نایاسایی بلۆککراوە، کە داوا دەکەین دەستبەجێ بلۆکی سەریان لاببرێت”.

روحانی داوایکردووە: “پەلەبکرێت لە چوونەدەرەوەی هێزەکانی ئەمریکا لە عێراق کە لە پەرلەمانی عێراق بڕیار لەوبارەیەوە درا، ئەوەش لەپێناو سەقامگیری عێراقدا”.

لە راگەیەندراوەکەی نوسینگەی سەرۆکایەتی ئێراندا ئەوەش نوسراوە: “کازمی سزاکانی سەر ئێرانی بە نادادپەروەر و نایاسایی وەسفکردووە”.

بەشی بکە لە
Previous Next
Close
Test Caption
Test Description goes like this