رۆبۆتی پێرسیڤیرانس لەسەر مەریخ دەستی بەجوڵە کردووە

0
646

SNN

دوای پێدانی فەرمان لە زەوییەوە، رۆبۆتی پێرسیڤیرانس، دەستیان بە جووڵە کرد و تاوەکو ئێستا چەند مەترێکی کەمی بڕیوە. شوێنی ویلەکانیش لەسەر رووی مەریخ لەنێو چاڵی جیزیڕۆدا بە جوانی دەرکەوتووە.

ئاژانسی ناسا رایگەیاند: رۆبۆتەکە تاوەکو ئێستا مەودای 6.5 مەتری بڕیوە، ئەوەش دوای دڵنیابوونەوەی تەواوی تیمی كۆنترۆڵ لە كاركردنی تەواوی سیستەمەكانی جووڵە و وەڵامدانەوەی فەرمانەكان، چاوەڕوانن لە ماوەی چەند رۆژێكی كەمدا ماوەی 200 مەتری دیكەش ببڕێت.

خێرایی دیاریكراوی پێرسیڤیرانس لەسەر رووی مەریخدا 0.16 كیلۆمەترە لە كاژێرێكدا، بۆ بڕینی مەودای 4 مەتر، پێرسیڤیرانس نزیكەی 33 خولەكی پێویستبوو، دوای بڕینی ئەو مەودایە، بە گۆشەی 150 پلە بەرەو لای چەپ خولاوەتەوە و پاشان بۆ ماوەی 2.5 مەتری دیكەش رۆیشت و ئێستا لەو خاڵەدا وەستاوە.

تاوەكو ئێستا، كامێرا لاوەكی و ناسەرەكییەكانی گەڕۆكی (پێرسیڤیرانس) 7000 وێنەی فۆتۆگرافیان ناردووەتەوە، بەڵام (سوپەر كامێرا) سەرەكییەكەی بەكارنەهێناوە.

بەشی بکە لە
Previous Next
Close
Test Caption
Test Description goes like this