رۆحانی: بەردەوام دەبين لەگەڵ ئاژانسی وزەی ئەتۆم

0
248

SNN

سەرۆککۆماری ئێران رايگەياند: “بەردەوام دەبين لە هەماهەنگی نێوان ئێران لەگەڵ ئاژانسی نێودەوڵەتی وزەی ئەتۆم”.

حەسەن رۆحانی سەرۆککۆماری ئێران لەگەڵ سایمەن كاڤەنی وەزیری دەرەوەی ئێرلەندا لە تاران كۆبووەوە و گفتوگۆيانکرد دەربارەی رێككەوتننامەی ئەتۆمی و ھەماھەنگییەكانیان لەگەڵ ئاژانسی نێودەوڵەتی وزەی ئەتۆم.

لە ميانی کۆبونەوەکەدا رۆحانی ئاماژەی بەوەکرد: “لە ساڵی 2016ەوە بە ويستی خۆمان بەشداريمان لە ڕێککەوتنی ئەتۆميدا کردووە، کە ئەوکاتە کاری پێدەکرا بەڵام لە ئێستادا هەڵپەسێردراوە”.

ئاشكراشیكرد “لەپێناو ئەنجامدانی ئەركەكانی ئاژانسی نێودەوڵەتی وزەی ئەتۆم سوورن لەسەر كاری ھاوبەش لەگەڵ ئاژانسی وزەی ئەتۆم”.

سەرۆکكۆماری ئێران، جەختی لەوەشكردەوە: “پێویستە ئەنجوومەنی ئاسایشی سەربە نەتەوەیەكگرتووەكان دژ بە كارەكانی ئیداره‌ی پێشووی ئەمریكا بوەست”، وتيشی “ئێران بۆ چارەسەر كردنی قەیرانەكانی ناوچەكە ئامادەیە ھەماھەنگی لەگەڵ رێكخراوە نێودەوڵەتییەكان بكات. باشترین چارەسەریش بۆ كێشەكان دانوستان و دووركەوتنەوەیه‌ لە ھەموو ھەڕەشه‌ و فشاره‌كان”.

بەشی بکە لە
Previous Next
Close
Test Caption
Test Description goes like this