نێچیرڤان بارزانی: دەبێت کێشەکانی هەرێم و بەغدا چارەسەربکرێن

0
240

SNN

دوای ئەوەی ئەمڕۆ دووشەممە سەرۆکوەزیرانی عێراق داوای چارەسەری کێشەکانی نێوان هەرێم و بەغدای کرد، نێچیرڤان بارزانی پشتیوانی خۆی بۆ ئەو پەیامە نیشاندا.

سەرۆکی هەرێم لە تویتێکدا رایگەیاند: پشتیوانی لەپەیامەکەی مستەفا کازمی، سەرۆک وەزیرانی عێراق دەکەین بۆ دەستپێکردنی گفتوگۆیەکی نیشتیمانی لەنێوان لایەنە عێراقییەکان و بەڕێوەچونی گفتوگۆیەکی راستەقینە بۆ گەیشتنە رێککەوتن و چارەسەرکردنی کێشەکان.
ئاماژەی بەوەشكرد: لەو گفتوگۆ نیشتیمانییەدا چارەسەری بنەڕەتی و کۆتایی بۆ کێشەکانی نێوان هەرێمی کوردستان و حکومەتی فیدڕاڵی بخرێتەڕو کە گونجاو بن لەگەڵ دەستور.
ئەمڕۆ مستەفا کازمی، سەرۆک وەزیرانی عێراق لەپەیامێکی ڤیدیۆییدا ئاماژەی بەوەشکرد، لەئێستادا عێراق لەبەردەم دەرفەتێکی راستەقینەدایە بۆ بەدەستهێنانەوەی رۆڵی مێژویی لەجیهان و ناوچەکەدا و سەرەڕای ئەو ئاستەنگیانەش کەدێتە بەردەمیان، بەڵام حکومەت پابەندە بە بەدیهێنانی ئاسایش، ئاشتی، ئاوەدانکردنەوە و گەشەسەندن و لەو پێناوەشدا داوای گفتوگۆیەکی نیشتیمانی دەکەن بەبەشداری سەرجەم لایەنەکان بۆ دوبارە بونیاتنانەوەی متمانە بە دەوڵەت و سیستەمی دیموکراسی.

بەشی بکە لە
Previous Next
Close
Test Caption
Test Description goes like this