هۆکاری تووشبوونی ئەسەد و هاوسەرەکەی بە کۆرۆنا ئاشکرا بوو

0
970

SNN

سەرچاوەیەکی سوری ئاشکرایکردووە “پاش کۆبوونەوەیەکی نهێنیی بەشار ئەسەد لەگەڵ سۆرنا تساری جێگری سەرۆککۆماری ئێران بۆ کاروباری زانستیی، سەرۆکی سوریا تووشی کۆرۆنا بووە”.

کەناڵی عەرەبیە لە زاری سەرچاوەیەکەوە کە نەیویستووە ناوی ببرێت وتوێتی “کۆبوونەوەکە لە دیمەشقی پایتەختی سوریا بووە و ئەسەد لە یەکێک لە ئەندامانی وەفدە ئێرانییەکەوە تووشی ڤایرۆسەکە بووە”.

پێشتر و مانگی ئابی ساڵی پار بەشار ئەسەد سەرککۆماری سوریا رایگەیاندبوو “بە درێژایی چەند سەدەی رابردوو ڤایرۆس هاتووە و خەڵکێکی زۆری کوشتووە، بەڵام مانەوە بۆ بەهێزەکانە”.

سەرۆکایەتیی کۆماری سووریا ئەمڕۆ دووشەممە رایگەیاند، بەشار ئەسەد و ئەسما ئەسەد-ی هاوسەری تووشی کۆرۆنا بوون و ئێستا لە کەرەنتینەدان و “تەندروستیشیشیان باشە”.

بەگوێرەی بەیاننامەی سەرۆکایتیی سوریا، ئەسەد و هاوسەرەکەی، ماوەی سێ هەفتە لە کەرەنتینەدا دەمێننەوە و لە ماڵی خۆیانەوە کاروبارەکانی دەوڵەت بەڕێوەدەبەن.

بەشی بکە لە
Previous Next
Close
Test Caption
Test Description goes like this