کۆشکی باکینگهام بێدەنگی شکاند و وەڵامی هاری و مێگان-ی دایەوە

0
370

SNN

پاش چاوپێکەوتنە مێژوویەکەی شازادە هاری و مێگان، لەگەڵ پێشکەشکاری جیهانی ئۆپرا وینفری، چەند نهێنییەکی ژیانی خۆیان ئاشکرا کرد، تا کار گەیشتە ئەوەی کۆشکی شاهانەی بەریتانیا “باکینگهام پالاس” وەڵامیان بداتەوە.

ئەمڕۆ سێشەممە لە راگەیەندراوی کۆشکی باکینگهامدا لە زاری شاژنە ئیلیزابێسەوە هاتووە” کۆشکی باکینگهام هەست بە دڵتەنگی ساڵانی رابردوو دەکات دەربارەی شازادە هاری و مێگان، لەگەڵ ئەوەشدا باسکردنی نەژاد و دژایەتیکردنی لەلایەن خێزانی شاهانەوە جێگەی دڵتەنگی ئێمەیە”.

ئاماژە بەوەشکراوە، کە هاری و مێگان و ئارچی نەوەیان بۆ هەمیشە ئەندامی خۆشەویستی خێزانی شاهانەی بەریتانیا دەبن.

مێگان مارکڵ خێزانی شازادەی هاری بەریتانیا، چاوپێکەوتنێکی تەلەفیزیۆنیان ئەنجامدا و تێیدا مێگان باسی لەوەکرد کە دژایەتی نەژادیان لەگەڵ من کردووە چونکە من رەنگی پێستم ئەسمەرە و هەرگیز ناهێڵن منداڵەکەشیان ببێتە شازادەی بەریتانیا چونکە لەوە دەترسن بەهۆی جیاوازی ڕەنگی پێستییەوە لە داهاتوودا بکرێتە ئامانج.

لە چاوپێکەوتنەکەشدا شازادە هاری باسی لەوەکرد کە ئەوەی بەسەر دایکم شازادە دەیانا هێنرا، شاژنی بەریتانا خراپتری بەسەر مێگانی هاوسەرم دەهێنا گەر وڵاتمان جێنەهێشتایە.

هاری و مێگان لە ئایاری 2018 لە لەندەن وەکو شازادە و خانمە شازادە ژیانی هاوژینییان پێکهێنا، لە ئازاری ساڵی 2020 هاری و مێگان کۆشکی شاهانەیان جێهێشت و لەوکاتەوە پەیوەندییان بە کۆشکەوە نەماوە، بەڵام ئێستا لە کالیفۆڕنیای ئەمریکا بە دووریی زیاتر لە شەش هەزار کیلۆمەتر لە بەریتانیا، وەکو خۆیان دەڵێن، دوور لە سەرئێشەی دەسەڵات، وەکو خێزانێکی تەواو ئاسایی ژیانێکی سادە و ساکار بەڕێدەکەن.

 

بەشی بکە لە
Previous Next
Close
Test Caption
Test Description goes like this