سەدر بە مەرج رەزامەندی لەسەر گفتووگۆی نیشتمانی دەربڕی کە کازمی پێشنیازی کردبوو

0
641

SNN

ئەمڕۆ چوارشەممە، موقتەدا سەدر سەرۆکی رەوتی سەدر لە عێراق ئامادەی خۆی دەربڕی بۆ گفتووگۆی نیشتمانی کە مستەفا کازمی سەرۆکوەزیرانی عێراق لە چەند رۆژی رابردوودا پێشنیازی کردبوو، بەڵام سەدر مەرجی هەیە.

حەیدەر جابری، وتەبێژی راگەیاندنی موقتەدا سەدر رایگەیاند: هەندێک دەستی شەرانگیز دەیانەوێت خۆپیشاندانەکانی عێراق بە لاریدا ببەن، وە ئەرکی حکومەت لێرەوە دەستپێدەکات بۆ پاراستنی ڕێڕەوی ئاشتیانەی خۆپیشاندانەکان دوور لە توندووتیژی.

لەسەر گفتووگۆی نیشتمانی کە مستەفا کازمی پێشنیازی کردووە بۆ لایەنە عێراقییەکان جابری وتی” مەرجی سەدر ئەوەیە کە کۆبوونەوەکە لەژیر چاودێری نەتەوە یەکگرتووەکان بێت لەگەڵ ئەوەشدا ڕێگە بە لایەنگرانی حزبی بەعس و رێکخراوە تیرۆرستییەکان نەدەن بەشداری لە گفتووگۆ نیشتیمانییەکەدا بکەن”.

لە 8ی ئازاردا مستەفا کازمی سەرۆکوەزیرانی عێراق داوای لە تەواوی لایانە سیاسی و کەسایەتییەکانی عێراق کرد کە گفتووگۆیەکی نیشتمانی ئەنجامبدەن کە سودی هەبێت بۆ بەرژەوەندی وڵات و ئەمن و سەروەری خاک.

بەشی بکە لە
Previous Next
Close
Test Caption
Test Description goes like this