ئێرانیش لەسەر ئەو پولی پۆستەیە هاتە دەنگ کە بۆ هاتنی پاپا ئامادە کرابوو

0
747

SNN

وتەبێژی وەزارەتی دەرەوەی ئێران رایدەگەیەنێت “ئەو وێنەیەی لەسەر پولێکی پۆستە لەلایەن حکومەتی هەرێمەوە دروستکراوە بۆ سەردانەکەی پاپا، لەگەڵ پێودانگە نێودەوڵەتییەکاندا نایەتەوە”.

سەعید خەتیب زادە دەڵێت: “لەسەر ئەو پرسە ناڕەزایەتیمان داوەتە حکومەتی عێراق، داوامانکردووە هەرچی زووە ئەو هەڵەیە راستبکرێتەوە”.

پێشتریش وەزارەتی دەرەوەی تورکیا لەسەر هەمان پرس ناڕەزایەتی دەربڕیوە، داوا دەکات حکومەتی هەرێم روونکردنەوە بدات لەوبارەیەوە.

فاتیح یەڵدز، باڵیۆزی تورکیا لە بەغدا لە تویتەر نووسیوێتی: “هەندێک سەرکردەی ئیدارەی هەرێمی کوردی لە عێراق سنووری خۆیان بەزاندووە و سەردانەکەی پاپایان بەکارهێناوە بۆ ئاشکراکردنی خەونە پووچەکانیان بەرامبەر یەکێتی خاکی وڵاتانی دراوسێی عێراق.

هەر سەبارەت بە ناڕەزایەتییەکەی تورکیا لەبارەی وێنەی کوردستانی گەورە لەسەر پولێکی پۆستەی سەربە وەزارەتی گواستنەوەی هەرێم، جوتیار عادل وتی: “ئەو وێنانە هێشتا لەلایەنی حکومەتی هەرێمی کوردستانەوە پەسەند نەکراوە و لە چوارچێوەی دەستوردا بڕیار لەبارەی بە رەسمی ناساندنی دەدرێت”.

بەشی بکە لە
Previous Next
Close
Test Caption
Test Description goes like this