بایدن “4ی تەممووز ئاهەنگی سەرکەوتن بەسەر کۆرۆنادا دەگێرین”

SNN

جۆو بایدن سەرۆکی ویلایەتە یەکگرتووەکانی ئەمریکا لە یەکەم وتاریدا و لە کۆشکی سپی راگەیاند: لە رۆژی سەربەخۆیی ئەمریکادا کە 4ی تەممووزە ئاهەنگی سەرکەوتن بەسەر ڤایرۆسی کۆرۆنادا دەگێڕین.

بایدن لە یەکەم وتاری کۆشکی سپیدا ئەوەی راگەیاند: گەر سەرجەم هاووڵاتیانی ئەمریکا ڤاکسینی کۆرۆنا وەرگرن ئەوا لە رۆژی سەربەخۆیی ئەمریکادا کە رێکەوتنی 4ی تەممووزە ئاهەنگی سەرکەوتن بەسەر کۆرۆنادا دەگێرین وە بەڵێنتان پێدەدەم هەرچی لە دەسەڵاتمدا بێت دەیکەم، کۆڵنادەم تاوەکو ئەم ڤایرۆسە تێکدەشکێنین، بەڵام لەمەیاندا پێویستم بە ئێوەیە، پێویستم بەوەیە ڤاکسین وەرگرن کاتێک کە نۆرەتان هات، چونکە ئەگەر هەموومان ڤاکسین وەربگرین، کەواتە لە رۆژی 4ی تەمووزی ئەمساڵ کە رۆژی سەربەخۆیی نیشتمانە، ئێوە هەمووتان لەگەڵ منداڵ، دراوسێ و هاوڕێکانتان لە باخچەی پشت ماڵ و پارکەکانتان بەبێ ترس لە کۆرۆنا، ئاهەنگی سەربەخۆیی بگێڕن، واتە ئێمە ئەو رۆژە نەک تەنیا ئاهەنگی سەربەخۆیی دەگێڕین بەڵکو ئاهەنگی سەربەخۆبوون لە ڤایرۆسی کۆرۆناش دەگێڕین.

لەسەر ئاستی جیهان ئەمریکا لە پلەی یەکەمی ڤایرۆسی کۆرۆنادا دێت بە 29 ملیۆن تووشبووی کۆرۆنا و 543,721 گیانلەدەستدان بەهۆی ڤایرۆسەکەوە، لەگەڵ چاکبوونەوەی 20 ملیۆن کەس.