تورکیا پەیوەندییەکانی لەگەڵ میسر ئاسایی کردووەتەوە

0
1106
ئەردۆغان و سیسی

SNN

وەزیری دەرەوەی تورکیا رایگەیاند: پەیوەندیەكانمان لەگەڵ میسردا ئاسایی كردووەتەوە و پەیوەندیەكانمان لەسەر هەمووئاستەكان بەردەوامە.

مەولود چاوشئۆغلو لە لێدوانێکیدا رایگەیاند: هیچ لایەنێكمان مەرجی پێشوەختمان نەبووە بۆ ئاسایكردنەوەی پەیوەندیەكانمان، هیواخوازین پەیوەندیەكانمان لەگەڵ سعودیەش ئاسایی بكەینەوە.

سەبارەت بە سعودیە، چاوشئۆغلو وتی: ئەگەر سعودیە هەنگاوی ئەرێنی بنێت ئەوا هیچ رێگرییەک نییە لەبەردەم ئاساییکردنەوەی پەیوەندییەکانمان لەگەڵ ئەو وڵاتەدا، هەمان شتیش دەربارەی ئیمارات دەڵێین.

لەلایەکی دیکەوە ئەمڕۆ هەینی، رەجەب تەییب ئەردۆغان ئاماژەیدا بە نیەتی وڵاتەکەی بۆ بەهێزکردنی پەیوەندییەکان لەگەڵ میسر و راشیگەیاند: لە ئێستادا پەیوەندی دیپلۆماسی و هەواڵگریمان لەگەڵ لایەنی میسری هەیە، ئەگەر ئەو پەیوەندییانە دەرئەنجامی ئەرێنی هەبوو ئەوا پەیوەندییەکان بەهێزتردەکەین.

 

بەشی بکە لە
Previous Next
Close
Test Caption
Test Description goes like this