میسر تورکیا بەدرۆدەخاتەوە و رەخنەی توندیشی لێدەگرێت

0
421
ئەردۆغان و سیسی

SNN

وەزارەتی دەرەوەی میسر، لێدوانێکی چەند رۆژی رابردووی وەزارەتی دەرەوەی تورکیا و ئەردۆغان رەتدەکاتەوە کە وتبوویان تورکیا پەیوەندییەکانی لەگەڵ میسر ئاساییکردووە و دەڵێت: “هیچ پەیوەندییەکی دیپلۆماسی نەبەستراوە”.

وەزارەتی دەرەوەی میسر لە راگەیەندراوێکدا، “رێزگرتن لە سەروەری خاکی میسر و ئاسایشی نیشتمانی وڵاتانی عەرەبی” دەکاتە مەرج بۆ تورکیا لە بەرامبەر بەهێزکردنی پەیوەندییەکانی نێوان ئەو دوو وڵاتە.

دەشڵێت: هەر وڵاتێک کە بیەوێت پەیوەندییەکی ئاسایی لەگەڵ میسردا هەبێت ئەوا دەبێت رێز لە یاسا نێودەوڵەتییەکان و بنەماکانی “دراوسێیەتی باش” بگرێت هەروەها چیتر دەستوەرنەداتە کاروباری ناوخۆی وڵاتانی ناوچەکە.

ئەمەش دوای ئەوەدێت، لە چەند رۆژی رابردوودا مەولود چاوشئۆغلو و رەجەب تەییب ئەردۆغان رایانگەیاند، تورکیا پەیوەندییەکانی لەگەڵ میسر ئاساییکردووەتەوە و پەیوەندی دیپلۆماسی لەگەڵدا دروستکردووە، ئەوەش بۆ یەکەمجارە لە ساڵی 2013ەوە کە پەیوەندی نێوانیان پچڕاوە.

بەشی بکە لە
Previous Next
Close
Test Caption
Test Description goes like this