ئێران: هێرشکردنە سەر کەشتييەکەمان ئيدانە دەکەين

0
662

SNN

وەزارەتی دەرەوەی ئێران ئيدانەی هێرشکردنەسەر کەشتييەکی وڵاتەکەی کرد لە دەريای ناوەڕاست، راشيگەياند: “رێوشوێنی پێويست دەگرنەبەر بۆ ئاشکراکردنی لايەنی بەرپرس”.

سەعيد خەتيب زادە وتەبێژی وەزارەتی دەرەوەی ئێران لە لێدوانێکيدا رايگەياند: “هێرش کردنە سەر کەشتييەکانی ئێران سەرپێچيکردنە لە ياسای نێودەوڵەتی و ياسا دەرياييەکان”.

ئاماژەی بەوەشکرد: “ئێمه‌ ئه‌و هێرشه‌ ئیدانه‌ ده‌كه‌ین و رێكاری پێویست ده‌گرینه‌به‌ر بۆ ده‌ستنیشانكردنی بكه‌ری ئه‌م كرده‌وه‌ تیرۆرستی و تێكده‌رانه‌یه‌، له‌نزیكه‌وه‌ و زۆر به‌ جدی كار له‌سه‌ر ئه‌و رووداوه‌ ده‌كه‌ین و له‌ ره‌هه‌نده‌ جیاوازه‌كانی ده‌كۆڵینه‌وه”‌.

له‌لایه‌كی دیكه‌شه‌وه‌، عه‌لی عیاسان وته‌بێژی كۆمپانیایه‌كی بارهه‌ڵگری ئێرانی رایگه‌یاند: “ئاگر له‌ كه‌شتییه‌كی كۆمپانیاکەيان بەربووە، کە بەرەو ئەوروپا بەڕێکەوتووە، به‌شێكی له‌ ته‌قینه‌وه‌كه‌دا زیانی پێگه‌یشتوه”، ميدياکانی ئێرانيش رووداوەکەيان بە هێرشی تيرۆرستی وەسفکرد.

رۆژی 10ی ئەم مانگە تەقينەوەيەک لەسەر کەشتييەکی ئێرانی لەسەر دەريای سپی ناوەراست روويدا و زيانی مادی بەر کەشتييەکە کەوت.

بەشی بکە لە
Previous Next
Close
Test Caption
Test Description goes like this