ناتۆ: نیگەرانی جدییمان لەبارەی تورکیاوە هەیە

0
203
یەنس

SNN

یەنس ستۆڵتنبێرگ سکرتێری گشتی هاوپەیمانێتی ناتۆ رایگەیاند: نیگەرانی جددیمان سەبارەت بە هەڵسوکەوتەکانی تورکیای ئەنداممان هەیە، بەڵام جەختی لەوە کردەوە دەکرێت ناتۆ ببێتە جێگەیەک بۆ چارەسەرکردنی ئەو ناکۆکییانەی سەبارەت بە ئەنقەرە هەیە.

ستۆڵتنبێرگ لە میانی وتارێکیدا لە پەرلەمانی ئەوروپا وتی: “من نیگەرانییەکانی خۆم لەبارەی تورکیاوە نیشانداوە، هەمووانیش دەزانن چەندین گرفت بوونی هەیە، هەر لە کێشەی رۆژهەڵاتی دەریای ناوەڕاستەوە تا ئەوەی تورکیا بڕیاریدا سیستەمی بەرگری مووشەکی S400 بکڕێت، یاخود گرفتی دۆخی مافە دیموکراسییەکانن لە تورکیا”.

وتیشی: بڕوام وایە ناتۆ شوێنێکی گونجاوە بۆ باسکردنی ئەو کێشانە، دەتوانرێت گفتوگۆی جددی لەبارەی خاڵە ناکۆکەکان دروستبکرێت.

ئەمە لەکاتێکدایە نزیکەی 30 ئەندامی ناتۆ نیگەرانییان سەبارەت بە تورکیا هەیە، بەتایبەت لەبارەی پرسی جێگە ناکۆکەکانی نێوان تورکیا و یۆنان، لەگەڵ رۆڵی تورکیا لە جەنگەکانی سوریا، لیبیا و شەڕی قەرەباغ.

بەشی بکە لە
Previous Next
Close
Test Caption
Test Description goes like this