پلاندانانی عێراق: رێژەی هەژاری لە عێراق کەمیکردووە

0
559

SNN

وەزارەتی پلاندانانی عێراق رایگەیاند، بۆ یەکەمجار لە دوای بڵاوبوونەوەی ڤایرۆسی کۆرۆنا لە عێراق رێژەی هەژاری لە وڵاتەکەدا کەمکردووە بۆ نزیکەی 25%.

عەبدولزوهرە هینداوی وتەبێژی وەزارەتی پلاندانانی عێراق ئەمڕۆ لە کۆنفرانسێکی رۆژنامەوانیدا وتیشی: “بەگوێرەی ئەو داتایانەی سەبارەت بە رێژەی هەژاری لە وڵاتەکەدا کۆکراونەتەوە، بە هاوکاری لەگەڵ بانکی نێودەوڵەتی، رێژەی هەژاری لە عێراق کەمیکردووە بۆ 24%، ئەوەش دوای ئەوەی لە کاتی بڵاوبوونەویە ڤایرۆسی کۆرۆنا و راگەیاندنی قەدەغەی هاتووچۆ ئەو رێژەیە بۆ 31% بەرزبووبوو.
بەگوێرەی وەزارەتەکە، ژمارەی ئەو کەسانەی کە لە عێراق بە هەژار دادەنرێت نزیکە لە 10 ملیۆن کەس.
بەهۆی قەدەغەی هاتووچۆ و پەکخستنی کار و کاسبی زۆرێک لە هاووڵاتیان، لە نیوەی یەکەمی ساڵی رابردوودا، عێراق بەرزترین رێژەی هەژاری تۆمارکرد کە 31.7% بوو بەجۆرێک ئەو رێژەیە لە کۆتا مانگی ساڵی رابردوودا بۆ 32% هەڵکشا.

 

بەشی بکە لە
Previous Next
Close
Test Caption
Test Description goes like this