وڵاتێکی دیکەی ئەوروپا بەکارهێنانی ڤاکسینی ئەسترازینیکای هەڵپەسارد

0
774

SNN

ئەروناس دولێکس وەزیری تەندروستیی لیتوانیا رایدەگەیەنێت “وڵاتەکەی بەکارهێنان و لێدانی ڤاکسینی ئەسترازینیکای بەریتانی- سویدی بۆ ماوەیەکەی کات هەڵپەساردووە”.

دولیکس لە کۆنگرەیەکی رۆژنامەوانیدا رایگەیاند “لەلایەن دەستەی چاودێریی دەرمانەوە پێمان راگەیەنراوە کە نابێت پێکوتەی ئەسرازینیکا بەکاربهێنرێت لە وڵاتدا”.

لە ئێستادا هەریەک لە تایلاند لە ئاسیا و دانیمارک، ئایسلاندا، نەمسا، ئیتالیا، ئێرلەندا، بولگاریا و نەرویج و هۆڵەندا لە ئەوروپا بەکارهێنانی ڤاکسینەکەیان راگرتووە.

کێشەکەش لە نەرویج سەریهەڵدا کاتێك کە 3 لە کارمەندانی تەندروستی ڤاکسینی ئاسترازێنیکایان وەرگرت و دواتر بەهۆی خوێنبەربوون و مەینی خوێن لە نەخۆشخانە خەوێندران.

هۆکاری هەڵپەساردنی ڤاکسینی ئاسترازێنیکای بەریتانی – سویدی زانستی بێت یان سیاسی، ڤاکسینەکە لە رکابەری نێو بازاڕە گەرمەکەی ڤاکسین لە ئەوروپا و جیهان تاڕادەیەک دووردەخاتەوە و دەرفەت بۆ  ڤاکسینەکانی فایزەری ئەمریکی ئەڵمانی، مۆدێرنا و جۆنسن ئەند جۆنسنی ئەمریکی بۆ فرۆش و کاریگەری زیاتر دەکات.

بەشی بکە لە
Previous Next
Close
Test Caption
Test Description goes like this