“لە ماوەی یەک ساڵی کردنەوەی نەخۆشخانەی “ئاسا” حکومەت هیچ هاوکارییەکی نەکردووین”

0
189

SNN

ئەمڕۆ چوارشەممە لە یادی یەک ساڵەی کردنەوەی نەخۆشخانەی (ئاسا)ی تایبەت بە تووشبووانی ڤایرۆسی کۆرۆنا دکتۆر شەماڵ جەبار یاوەر سەرۆکی دەزگای تەندروستی پێشمەرگە لە کۆنگرەیەکی رۆژنامەوانیدا رایگەیاند: تا ئێستا 10988 پشکنین لە نەخۆشخانەکەمان ئەنجامدراوە و لەو ژمارەیە 2 هەزار کەسیان هەڵگری ڤایرۆسی کۆرۆنا بوون و 907 نەخۆشیش داغل کراوە.

شەماڵ جەبار یاوەری لە کۆنگرە رۆژنامەوانیەکەدا ئاماژەی بەوەشکرد، لە ساڵیادی دروستکردنی نەخۆشخانەکەیاندا لەکاتی ئێستادا هیچ تووشبوویەکی کۆرۆنای تێدا نەماوە، ئەم نەخۆشخانەیەش لە سەرەتاوە لەسەر بودجەی خێرخوازان و هاوسەرۆکانی یەکێتی بەڕێوەچووە و حکومەتی هەرێمی کوردستان هیچ هاوکارییەکی نەکردوین.

هەر لە کۆنگرە رۆژنامەوانییەکەدا ئەوەشی ئاشکرا کرد: رێژەی تووشبوون بە کۆرۆنا بەردەوام لە بەرزبوونەوەدایە گەر هاووڵاتیان لە نەورۆزدا خۆیان نەپارێزن ئەو رێژەیە بۆ لە %25 بەرزدەبێتەوە، بەڵام ئێستا ئەزموونمان لەگەڵ کۆرۆنا زیاترە بۆیە دەتوانین زوتر کۆنترۆڵی باردودۆخەکە بکەین گەر ژمارەکان دووبارە بەرزبووەوە.

ساڵێک بەسەر دروستکردنی نەخۆشخانەی ئاسا-ی تایبەت بە تووشبووانی کۆرۆنا تێپەردەبێت کە پار ساڵ بۆ رووبەڕووبوونەوەی ڤایرۆسەکە توانرا لە ماوەی (10) رۆژدا بە هاوکاری هاوسەرۆکانی یەکێتیی نیشتمانیی کوردستان و خێرخوازان دروستبکرێت.

بەشی بکە لە
Previous Next
Close
Test Caption
Test Description goes like this