ڤاکسینی ئەسترازینیکا سەلامەت دەرچوو گومانەکان لەسەری رەوینەوە

0
212

SNN

رێکخراوی تەندروستیی جیهانی هەڵسەنگاندنی بۆ ڤاکسینە بەریتانییەکە کرد و دەڵێت “هیچ مترسییەکی نییە و تووشبووان دەتوانن بەکاری بهێنن”.

ئیمەر کۆک بەڕێوەبەری ئەوروپای رێکخراوەکە رایگەیاند “باوەڕی تەواومان هەیە کە پێکوتەکە هیچ مەترسییەکی نییە و شایانی ئەوەیە بەبێ ترس بەکاربهێنرێت”.

وتیشی: “پاش هەڵسەنگاندن بۆمان دەرکەوتووە کە سوودەکانی زیاترن لەکاریگەرییە لاوەکییەکانی و هەموو ئەو تەمەنانەی دیاریکراون ڤاکسینەکە وەربگرن، دەتوانن خۆیانی پێ بکوتن”.

رۆژی دووشەممەی رابردوو ئەدهانۆم گیبریسۆس بەڕێوەبەری گشتیی رێکخراوی تەندروستیی جیهانی وتی: “رۆژی سێشەممە هەڵسەنگاندن بۆ سەلامەتیی پێکوتەی ئەسترازینیکای بەریتانی – سویدی دەکەن بۆ ئەوەی بزانن تا چەند سەلامەتە لەڕووی بەکارهێنانەوە”.

لە کۆنگرەیەکی رۆژنامەنووسیدا ئەدهانۆم وتی: “لیژنە تایبەتەکانی رێکخراوەکەی کە لە ڤاکسینەکان دەکۆڵنەوە، هەموو داتا و ژمارەکان تاوتوێدەکەن”.

بایکۆتکردنی ڤاکسینەکەش لەلایەنی هەندێک وڵاتی ئەوروپییەوە بەلای ئەو بەڕێوەبەرەوە وەک رۆتینێک سەیر کرا و وتی: “کە ئەوە نیشانەی ئەوەیە کەرتی تەندروستیی ئەو وڵاتانە چالاکن”.

لە ئێستادا هەریەک لە تایلاند لە ئاسیا و دانیمارک، ئایسلاندا، نەمسا، ئیتالیا، ئێرلەندا، بولگاریا و نەرویج و هۆڵەندا لە ئەوروپا بەکارهێنانی ڤاکسینەکەیان راگرتووە.

کێشەکەش لە نەرویج سەریهەڵدا کاتێك کە 3 لە کارمەندانی تەندروستی ڤاکسینی ئاسترازێنیکایان وەرگرت و دواتر بەهۆی خوێنبەربوون و مەینی خوێن لە نەخۆشخانە خەوێندران.

هۆکاری هەڵپەساردنی ڤاکسینی ئاسترازێنیکای بەریتانی – سویدی زانستی بێت یان سیاسی، ڤاکسینەکە لە رکابەری نێو بازاڕە گەرمەکەی ڤاکسین لە ئەوروپا و جیهان تاڕادەیەک دووردەخاتەوە و دەرفەت بۆ  ڤاکسینەکانی فایزەری ئەمریکی ئەڵمانی، مۆدێرنا و جۆنسن ئەند جۆنسنی ئەمریکی بۆ فرۆش و کاریگەری زیاتر دەکات.

 

بەشی بکە لە
Previous Next
Close
Test Caption
Test Description goes like this