قارەمان کەمال: دواکەوتنی موچەی ليوا هاوبەشەکان بەهۆی کێشەی تەکنيکيەوەيە

0
644

SNN

جێگری سەرۆک ئەرکانی وەزارەتی پێشمەرگە رايگەياند: “دابەشنەکردنی مووچەی ليوا هاوبەشەکانی وەزارەتی پێشمەرگە بەهۆی کێشەی فەنيەوەيە و ئەمريکا و هاوپەيمانان پەشيمان نەبونەتەوە لە پێدانی پارەکە”.

ليوا قارەمان کەمال جێگری سەرۆک ئەرکانی وەزارەتی پێشمەرگە لە کۆنفرانسێکی رۆژنامەنوسيدا باسی لەوەکرد: “ئەو دەنگۆيانە رەتدەکەينەوە کە دەڵێت پارەکە گەيشتووەتە وەزارەتی پێشمەرگە و دابەشی ناکەن، تا ئێستا ئەو بڕە پارەيە نەگەيشتووەتە وەزارەتی پێشمەرگە”.

وتيشی “لەماوەيەکی نزيکدا پارەکە دەگاتە وەزارەتی پێشمەرگە و ئێمە و هاوپەيمانانيش هەوڵ لەپێناو ئەوەدا دەدەين”، دەشڵێت “ئەمريکا سورە لەسەر ناردنی پارەکە و زياتر لە 30 هەزار پێشمەرگە سوودمەند دەبێت لەو بڕە پارەيە”.

رۆژی 21ی شوباتی ئەمساڵ، وەزارەتی پێشمەرگە رایگەیاند: “لیوا هاوبەشەکانی وەزارەتەکەیان، بۆ ئەم مانگە سێ موچە بەیەکەوە بەبێ لێبڕین وەردەگرن، بەڵام تا ئێستا وەریاننەگرتووە، وەزارەتی پێشمەرگەش هۆکارەکەی بۆ کێشەی تەکنيکی لە ناردنی پارەکە لەلايەن هاوپەيمانانەوە بۆسەر حسابی وەزارەتەکەيان دەگەڕێنێتەوە”.

بەشی بکە لە
Previous Next
Close
Test Caption
Test Description goes like this