قائيمقامی دوکان لەبارەی تەرمی گەنجەکەی دوێنێ رونکردنەوە دەدات

0
655

SNN

قائيمقامی قەزای دوکان بە SNNی راگەياند: “تا ئێستا تەرمی ئەو گەنجەی دوێنێ نەدۆزراوەتەوە کە لە ئاوی زێی بچوکدا خنکا، تيمەکانمان بەردەوامن لە گەڕان بەشوێنيدا”.

سيروان سەرحەد قائيمقامی قەزای دوکان لەلێدوانێکيدا بە SNNی راگەياند: “لە کاتژمێر نۆی بەيانييەوە ئاوی سەدی دوکان گيراوەتەوە و تيمەکانی مەلەوانی و غەواس بەردەوامن لە گەڕان بەدوای تەرمی ئەو گەنجەی لە ئاوەکەدا خنکاوە بەڵام تا ئێستا بێسوود بووە”.

وتيشی “تيمەکانی مەلەوانی کۆيە و چەمچەماڵيش ئاگادارکراونەتەوە لە ئەگەری ئەوەی تەرمەکە لە زێی بچوکدا گەيشتبێتە سنووری ئەو ناوچانە”، دەشڵێت “لە دوێنێ کاتژمێر دوو ئاوەکە گيراوەتەوە و تا درەنگانێکی ئێوارە بەردەوامبووين لە گەڕان”.

راشيگەياند: “حاڵەتەکە دوور بووە لە سنوری ناوچە گەتيارييەکانمان و لە گوندێکدا روويداوە، لە ئێستا وەرزی مەلەکردن نييە و چەندينجار هاووڵاتيانمان ئاگادار کردووەتەوە کەب لەو ئاوەدا مەلە نەکەن”.

باسی لەوەشکرد: “حاڵەتەکە دوو کەس بوون کە خاڵ و خوشکەزايەک چونەتە ناو ئاوەکە کەسێکيان رزگارکراوە و گەيەندراوەتە نەخۆشخانە، بەڵام ئەويتريان نەتوانراوە رزگاربکرێت”.

بەشی بکە لە
Previous Next
Close
Test Caption
Test Description goes like this