روسیا تورکیای ناچار کرد سێ دەروازەی ژێر رکێفی خۆی لە رۆژئاوای کوردستان بکاتەوە

0
720

SNN

وەزارەتی بەرگریی روسیا رایگەیاند “تورکیا رازی بووە بە کردنەوەی سێ دەروازە لە ئیدلیب و حەلەب بەمەبەستی مرۆیی و هاموشۆ کردن”.

ئەلیکساندەر کاربۆف بەڕێوەبەری بنکەی سەربازیی حمێمیم ئەمڕۆ چوارشەممە رایگەیاند “بەمەبەستی کارئاسانی و کەمکردنەوەی نەهامەتیی لەسەر هاووڵاتیانی باکووری سوریا، تورکیامان ناچار کردووە ئەو سێ دەروازەیە ئاوەڵا بکات بەڕووی خەڵکدا”.

وتیشی: “ئەم هەنگاوە کارێکی باشە بە ئاراستەی لابردنی کۆت و بەندە کۆمەڵایەتییەکان و کارئاسانیی دەکات تا دۆخی گوزەرانی خەڵک لە سوریا بەرەو باشتر بچێت و هاوکارییە مرۆییەکانیان بە ئاسانی بگاتە دەست”.

دوێنێ سێشەممە ئەلیکساندەر کاربۆف بەڕێوەبەری بنکەی سەربازیی حەمێمیم وتی: “بەهۆی ئەوەی دۆخی مرۆیی خەڵک لە ناوچەکە زۆر خراپە، لەڕێگەی وەزارەتی بەرگرییەوە داوامان لە تورکیا کردووە دەروازەی سنوریی سەرقیب و میزنازلە ئیدلب و ئەبو زیدین لە حەلەب ئاوەڵا بکاتەوە جارێکیتر”.

وتیشی: “ئەو داوایە بۆ ئەوەیە کاروانی هاوکاریبەکان بە ئاسانیی بگەنە شوێنی خۆیان و لە 25ی ئەم مانگەشەوە هاموشۆ تێیدا دەبێت ئاسایی بکرێتەوە”.

لەوەتەی لە ساڵی 2016ەوە تورکیا بەهاوکاری گرووپە لایەندارەکانی هێرشیکردە سەر باکووری سوریا، هەریەک لە پارێزگاکانی ئیدلب و حەلەب و رەققە و حەسەکەی خستووەتە ژێر کۆنترۆڵی خۆی و بە بیانووی بوونی داعش و یەپەگە ئەو هەنگاوەی ناوە.

بەشی بکە لە
Previous Next
Close
Test Caption
Test Description goes like this