لایەنە سیاسییەکانی عێراق سەرکۆنەی مانۆڕە سەربازییەکەی “ربع اللە” لە بەغدا دەکەن
SNN
مانۆڕە سەربازییەکەی ئەمڕۆی بەغدای چەکدارانی “ربع اللە” دەنگۆی زۆری بەدوای خۆیدا هێناوە بەشێکی زۆری لایەنە سیاسییەکانی عێراق سەرکۆنەی ئەمکارە دەکەن و ئاماژە بەوە دەکەن کە دەبێتە هۆی دروستبوونی کێشە لەنێو بەغدادا.
هاوپەیمانی سائیرون کە لایەن موقتەسا سەدر رێبەرتی رەوتی سەدر لە عێراق پشتیوانیان لێدەکرێت رایگەیاند: ئەم کارانە هەوڵێکە بۆ دروستکردنی ناکۆکی و لێدانی دەوڵەت، ئەوەشی کە لە بەغدا روویداوە لێدانە لە یاسا و دەوڵەت و ئەو هێزەی کە عێراق بەڕێوە دەبات، وە دەبێت حکومەت لەسەر ئەم کارانە بێدەنگ نەبێت و دەبێت هەڵوێستی لەسەر ئەم کارەنە هەبێت چونکە دەستدرێژییە بۆ سەر یاسا.
لەگەڵ ئەوەشدا هەر ئەمڕۆ بەشێکی زۆری هاوپەیمانی و سەرۆک لیست و حزبە عێراقییەکان و بەتایبەت شیعەکان ئەم کارەیان ئیدانە کرد و بە کردەوەیەکی دواکەوتووی گێڕانەوەی عێراقە بۆ شەڕێکی قورسی مەزهەبی و وەلانانی یاسا.
ئەمڕۆ پێنجشەممە، کۆمەڵێک چەکداری سەر بە ربع اللە، لە بەغدا مانۆڕێکی سەربازییان ئەنجامداو هەڕەشەی گوێچکە بڕینیان لە مستەفا کازمی سەرۆکوەزیرانی عێراق کرد گەر بە زووترین کات پرۆژەیاسای بودجە تێنەپەرێنێت و بەهای دۆلاریش نەگێرێتەوە ئاستی جارانی خۆی.
