“دواخستنی دەنگدان لەسەر پڕۆژەیاسای بودجە پەیوەندی بە حكومه‌تی هه‌رێمه‌وه‌ نییە”

0
212

SNN

سەمیر هەورامی وتەبێژی جێگری سەرۆکی حکومەتی ھەرێمی کوردستان رایگەیاند: حکومەتی ھەرێمی کوردستان ھیچ پەیوەندییەکی نییە بە دواخستنی دەنگدان لەسەر پڕۆژەیاسای بوودجەی 2021 لە ئەنجوومەنی نوێنەران.

ھەورامی بە میدیا عێراقییەکانی رایگەیاندووە: ماددەی 11 لە پڕۆژەیاسای بوودجەی 2021 کە تایبەتە بە پشکی ھەرێمی کوردستان لەلایەن لیژنەی دارایی ئەنجوومەنی نوێنەران، دەنگی لەسەر دراوە و وتی: “دواخستنی دەنگدان لەسەر پڕۆژەیاسای بوودجەی 2021 لە ئەنجوومەنی نوێنەران، ھیچ پەیوەندی بە پشکی ھەرێمی کوردستانەوە نییە، ئەوەشی روونکردەوە فراکسیۆنەکان لەبارەی ژمارەیەک ماددەی دیکەی نێو پڕۆژەیاسای بودجە، ناکۆکن کە ھیچ پەیوەندی بە پشکی ھەرێمی کوردستانەوە نییە.

ئاماژەی بەوەشکرد “چاوەڕوانی دانیشتنی ڕۆژی شەممەی ئەنجوومەنی نوێنەران دەکەین بۆ تێپەڕاندنی ئەو ماددەیە یان دەقەکەی حکوومەتی عێراق کە داوای رادەستکردنی 250 ھەزار بەرمیل نەوت و 50 لەسەدای داھاتی خاڵە سنوورییەکان دەکات”.

بەشی بکە لە
Previous Next
Close
Test Caption
Test Description goes like this