ئێران کەشتییەکی ئیسرائیلی لە دەریای عەرەب کردە ئامانج

0
396

SNN

میدیای ئیسرائیل ئەمڕۆ بڵاویکردەوە، ئێران مووشەکی ئاڕاستەی کەشتییەکی بارهەڵگری ئیسرائیلی کردووە لە دەریای عەرەب و کردوویەتیە ئامانج.

کەناڵ 12ی ئیسرائیلی لە راپۆرتێکدا بڵاویکردەوە، ئەو کەشتیەی کە لەلایەن ئێرانەوە مووشەکباران کراوە لە تەنزالیاوە بەنیازبووە بگاتە هیندستان، لە دەریای عەرەب کاتێک کراوەتەئامانج بەردەوامبووە لە گەشتەکەی.

لەوبارەیەوە، وتەبێژێک بەناوی وەزارەتی دەرەوەی ئیسرائیل رایگەیاندووە، بەدواداچوونەکان لەبارەی رووداوەکە بەردەوامە.

کردنە ئامانجی ئەو کەشتییە بارهەڵگرەی ئیسرائیل لەلایەن ئێرانەوە دوای ئەوەدێت، پێشتر رۆژنامەی وۆڵ ستریت جۆرناڵ بە پشتبەستن بە زانیارییە هەواڵگرییەکان بۆ یەکەمجار ئەوەی ئاشکراکرد، دەیان کەشتی نەوتهەڵگری ئێرانی لەلایەن ئیسرائیلەوە کراونەتە ئامانج و ئەوەش زیانی ملیاران دۆلاری بە ئێران گەیاندووە.

بەشی بکە لە
Previous Next
Close
Test Caption
Test Description goes like this