لوتکەی عێراق میسر ئوردن دواخرا

0
169

SNN

بەمەبەستی رێزگرتن لە قوربانیانی رووداوێکی شەمەندەفەر لە میسر کە چەندین کەس تیایدا گیانیان لەدەستدا، لوتکەی سێ قۆڵی عێراق، میسر و ئوردن دواخرا.

مستەفا کازمی سەرۆکوەزیرانی عێراق لە پەیامێکی سەرەخۆشیدا بۆ میسر رایگەیاند: بەناوی خۆمان و گەلی عێراقەوە درود بۆ گیانی قوربانییەکان دەنێرین و چارەسەری پەلەش بۆ برینداران دەخوازین، بەم بۆنەیەشەوە و وەک ھاوسۆزی دواخستنی لوتکەی سێ قۆڵی رادەگەیەنین.

وتیشی: سەرەخۆشی لە گەل و سەرۆك کۆماری میسری عەرەبی دەکەین لە کارەساتی پێکدادانی دوو شەمەندەفەر لە سوھاج.

ئەمڕۆ هەینی لە پارێزگای سوهاج-ی باشووری وڵات دوو شەمەندەفەر بەیەکیاندا داوە.

بە پێی زانیارییە سەرەتاییەکان، نزیکەی 32 کەس گیانیانلەدەستداوە و 66 کەسی دیکەش بریندار بوون.

بڕیاربوو سبەینێ شەممە شا عەبدوڵا شای ئوردون بۆ بەشداریکردن لە لوتکەی سێقۆڵیی لەگەڵ عێراق و میسر بگاتە شاری بەغدا و دواتریش بچێتە سەر گۆڕی پاشاکانی عێراق لە ناوچەی ئەعزەمیە، دواتر کۆبوونەوەی سێقۆڵی ئەنجامبدەن.

 

بەشی بکە لە
Previous Next
Close
Test Caption
Test Description goes like this