حزبوڵا: ربع اللە نمایشی سەربازیان نەکردوە و تەنیا شوێنیان گواستووەتەوە

0
237

SNN

كەتائیبی حیزبوڵای عێراق رونکردنەوەیەکی لە بارەی نمایشەکەی هێزی رەبعەڵای سەر بە حەشدی شەعبی بڵاوکردەوە و رایگەیاند نمایشی سەربازیان نەکردوە، بەڵکو لە شوێنێک بۆ شوێنێکی دیکە گواستراونەتەوە.

ئەبو عەلی عەسكەری، بەرپرسی ئەمنیی كەتائیبی حیزبوڵا لە راگەیێندراوێكدا  وتی: “هێزێكی حەشدی شەعبی كە ئێمە سەرپەرشتی و هاوكاریان دەكەین بە مەبەستی جێبەجێكردنی ئەركەكانیان و بەرگریكردن لە وڵاتەكەمان، بۆ ناوچەیەكی دەوروبەری بەغدا گواسترانەوە، ئەمەش هەنگاوێكی رۆتینییە و پێویست بە هاوئاهەنگی لەگەڵ هیچ لایەنێك ناكات”.

بەرپرسی ئەمنی كەتائیبی حیزبوڵا لە رونکردنەوەکەیدا ئاماژەی بەوەداوە بە هۆكاری هونەری و ئەمنی ئاراستەی ئەو هێزە بۆ ناوەڕاستی بەغدا گۆڕدراوە.
پێنجشەممە، کۆمەڵێک چەکداری سەر بە ربع اللە، لە بە‌غدا مانۆڕێکی سەربازییان ئەنجامدا و هەڕەشەی گوێچکە بڕینیان لە مستەفا کازمی سەرۆکوەزیرانی عێراق کرد گەر بە زووترین کات پرۆژەیاسای بودجە تێنەپەرێنێت و بەهای دۆلاریش نەگێرێتەوە ئاستی جارانی خۆی، ئەمەش نیگەرانی ناوخۆیی لێکەوتەوە، کازمیش وەڵامی توندی دانەوە.

بەشی بکە لە
Previous Next
Close
Test Caption
Test Description goes like this