لە کۆنگرێس داوا دەکرێت ئەمریکا نەگەڕێتەوە بۆ رێککەوتنی ناوەکی

0
311

SNN

نزیکەی نیوەی ئەندامانی ئەنجوومەنی پیرانی ئەمریکا داوایان لە جۆ بایدن کرد خۆی بەدوور بگرێت لە گەڕانەوە بۆ رێککەوتنی ئەتۆمی لەگەڵ ئێران و بیر لە رێککەوتنێکی نوێ بکاتەوە کە هەموو لایەنەکانی دیکەش لەخۆبگرێت.

43  سیناتۆر، له‌ هه‌ر دوو حزبی كۆماری و دیموكرات و ئه‌ندامی سه‌ربه‌خۆ، نامه‌یه‌كیان واژوو كردوه‌و داویانه‌ته‌ سه‌رۆكی وڵاته‌كه‌یان، بۆ ئه‌وه‌ی رێككه‌وتنێكی گشتگیر له‌گه‌ڵ تاراندا بێنێته‌‌‌ ئاراوه‌و به‌ بیریان هێناوه‌ته‌وه‌ كه‌ پشتیوانی تاران له‌ تاقمه‌ تیرۆریستییه‌كان، له‌ ناویان دا گروپه‌كانی شیعه،‌ كه‌ په‌لاماری هێزه‌كانی ئه‌مه‌ریكا و به‌رژه‌وه‌ندییه‌كانی ده‌ده‌ن مه‌ترسیین بۆسه‌ر ئاسایشی نه‌ته‌وه‌یی ئه‌مه‌ریكا.

له‌ نامه‌ی سیناتۆره‌كان دا هاتووه،‌ كه‌ كێشه‌ی ئه‌مه‌ریكا له‌گه‌ڵ ئێران ته‌نیا پرسی ناووكی نیه ‌و پێویسته‌ واشنتن پێشێلكردنی مافه‌كانی مرۆڤ له‌ ئێران و ئازاد كردنی ئه‌مه‌ریكاییه‌ گیراوه‌كان بخاته‌ به‌رنامه‌ی كاری خۆیه‌وه‌، هه‌روه‌ها له‌م باره‌وه‌  پێویسته‌ راوێژ به‌ هاوبه‌شه‌ ئه‌ورووپاییه‌كان، ئیسرائیل و وڵاتانی كه‌نداو بكرێت.

له‌ به‌شێكی نامه‌كه‌دا هاتوه‌‌: “ئه‌مه‌ریكا له‌ سه‌رجه‌م توانا دیپلۆماسی و ئابوورییه‌كانی، به‌ هه‌ماهه‌نگی له‌گه‌ڵ هاوپه‌یمانه‌كانی له‌ ئه‌نجوومه‌نی ئاسایشی نه‌ته‌وه‌یه‌كگرتوه‌كان و ناوچه‌كه‌، كه‌ڵك وه‌رگرێت؛ بۆ ئه‌وه‌ی رێككه‌وتنێك بێته‌ ئاراوه‌ رێگری بكات له‌‌ ئێران كه‌ ده‌ستی به‌ چه‌كی ناوكی رانه‌گات، كاری تێكده‌رانه‌ی ئێران له‌ ناوچه‌كه‌ كه‌م بكاته‌وه‌ و به‌ر به‌ به‌رنامه‌ی مووشه‌كی بالستیك بگرێت.‌”

 

بەشی بکە لە
Previous Next
Close
Test Caption
Test Description goes like this