سڕبیا پارچەی فڕۆکەیەکی شەبەحی ئەمریکی رادەستی روسیا دەکاتەوە

0
1478

SNN

کەناڵی (زڤیزدا)ی روسی بڵاویکردووەتەوە ئەمڕۆ شەممە دەسەڵاتدارانی سڕبیا پارچەی شکاوی فڕۆکەیەکی جۆری ئێف 117 نایت هوک-یان داوەتەوە بە وەفدێکی سەربازی روسی.

ئەو فڕۆکەیە کە بە شەبەح-یش ناوزەد دەکرێت، لە مۆزەخانەی بلگراد پارچەکانی پارێزراو بووە و رۆژی 27ی ئازاری ساڵی 1999 لە بۆردوومانێکدا بۆ سەر یۆگسلاڤیا کەوتووەتە خوار و ئەمڕۆ لە یادی 23 ساڵەی هێرشیی ناتۆ بۆ سەر یۆگسلاڤیا رادەستی مۆسکۆ کراوەتەوە.

فڕۆکە ئەمریکییەکە لەلایەن دوو دژە فڕۆکەی جۆری ئێس 125 نیڤا-وە لەلایەن هێزی وشکایی یۆگسلاڤیا کەوتە خوار کە ئەوە یەکەم جار بوو فڕۆکەیەکی لەو جۆرە بکەوێتە خوار و فڕۆکەوانەکەش توانی خۆی رزگار بکات.

دوای ئەو رووداوەش هێزی ئاسمانیی سوپای ئەمریکا زۆر متمانەی بە فڕۆکەکە نەما و ساڵی 2008 بەشێوەیەکی رەسمیی لە خزمەت دوور خرایەوە و دروستکردنی راگیرا.

بەشی بکە لە
Previous Next
Close
Test Caption
Test Description goes like this