321 کەشتی لە نۆکەندی سوێس رێگەیان لێگیراوە

0
407

SNN

سەرۆکی دەستەی نۆکەندی سوێس ئەمڕۆ لە کۆنفرانسێکی رۆژنامەوانیدا وتی: 321 کەشتی لە نۆکەندی سوێس رێگەیان لێگیراوە، ئەوەش بەهۆی ئەوەی کەشتییەکی بارهەڵگر گیریخواردووە و نۆکەندەکەی داخستووە.

ئوسامە رەبیع وتیشی: ژوورێکی ئۆپراسیۆنمان دروستکردووە بە ئامانجی چارەسەرکردنی کێشەی داخرانی نۆکەندەکە.

ماوەی چوار رۆژە نۆکەندی سویس داخراوە ئەوەش بەهۆی گیرخواردنی کەشتییەکی بارهەڵگر (کۆنتەینەری هەڵگرتووە) تیایدا، ئەوەش کاریگەری لەسەر بۆرسەی چەند وڵاتێک دروستکردووە.

ئەو کەشتیەی کە گیریخورادووە ناوی (ئێڤەرگرین مارین)ە خاوەندارێتی دەگەڕیتەوە بۆ کۆمپانیایەکی تایوانی، درێژیەکەی هێندەی چوار یاریگای تۆپی پێ دەبێت، لە کۆتایی نۆکەندی سویس لە باشووریەوە بە باری لاتەریب وەستاوە، ئەوەش بووەتە بەربەست لەبەردەم هاتووچۆی کەشتییە بازرگانییەکان لەکاتێکدا ئەو نۆکەندە یەکێکە لەو رێگا ئاویانەی کە زۆرترین جوڵەی بازرگانی لەسەرە.

بەگوێرەی ساڵ مێرکۆگیانۆ شارەزا لە مێژووی هاتووچۆی کەشتی بازرگانی و مامۆستای زانکۆی کامبێڵ، تا ئێستا هەموو هەوڵەکان بۆ جوڵاندنی ئەو کەشتییە و کردنەوەی رێگاکە شکستیان هێناوە.

داخرانی نۆكەندی سویس لە هەر كاتژمێریكدا 400 ملیۆن دۆلار زیانی ئابووری بە جیهان دەگەیەنێت، زەرەرمەندی یەكەم چینە و دواتر ئەوروپایە.

نۆكەندی سویس لەسەدا 12% بازرگانی جیهانی پێدا تێپەڕ دەبێت و داهاتی ساڵانەی بۆ میسر نزیكەی 32 ملیار دۆلارە.

بەشی بکە لە
Previous Next
Close
Test Caption
Test Description goes like this