د.ڕەهێڵ فەرەیدون “دروستکردنی قەرەباڵغی لە جەژندا کۆرۆنای زیاتر بڵاوکردەوە”

0
240

SNN

بریکاری وەزارەتی تەندروستی رایگەیاند: ئەگەر بارودۆخی کۆرۆنا بەرەو خراپتر بچێت رێکارەکانی تەندروستی توندتردەکرێنەوە.

د.ڕەهێڵ فەرەیدون، بریکاری وەزارەتی تەندروستی هەرێم لە لێدوانێکیدا بۆ SNN رایگەیاند: لە ئێستادا ژمارەی تووشبوون و گیانلەدەستدان بە کۆرۆنا لە هەرێم زیادیکردووە، یەکێک لە هۆکارەکانیشی بۆ دروستکردنی قەرەباڵغی لە یاد و رێورەسمەکانی ئەم دواییە دەگەڕێتەوە.

د.ڕەهێڵ باسی لەوەکرد: پابەندنەبوونی هاووڵاتیان بە رێکارەکانی خۆپارێزی بوونەتەهۆی ئەوەی ڤایرۆسی کۆرۆنای گۆڕاو زیاتر بڵاوبێتەوە، بەوپێیەی کۆرۆنای گۆڕاو زیاتر لە جۆرە کۆنەکەی توانای بڵاوبوونەوەی هەیە.

وتیشی: هاتنی گەشتیاران لە ناوچەکانی دیکەی عێراقەوە بۆ هەرێم کاریگەری زۆری لەسەر بڵاوبوونەوەی ڤایرۆسەکە هەبوو.

د.ڕەهێڵ وتیشی: وەزارەتی تەندروستی هەفتانە راپۆرتی وردی تەندروستی هەیە سەبارەت بە رەوشی کۆرۆنا، لەم هەفتەیەدا هێشتا راپۆرتەکە ئامادەنەکراوە، بەڵام ئەگەر بارودۆخەکە بەم شێوەیەی ئێستابێت و هاووڵاتیان پابەندنەبن ئەوا پێشبینی دەکرێت ڤایرۆسی کۆرۆنا زیاتر بڵاوببێتەوە.

ئەمە لەکاتێکدایە دوێنێ شەو زۆرترین رێژەی گیانلەدەستدان بە کۆرۆنا لە ماوەی رۆژ و شەوێکدا تۆمارکرا کە 11 کەس بوون.

د.ئاسۆ حەوێزی، وتەبێژی وەزارەتی تەندروستی وتی: ژمارەیەکی زۆریش داخڵی نەخۆشخانەكان کران و قەرەوێلەکانی بەشی چاودێری چڕ خەریکە پڕ دەبێتەوە و جێگا نامێنێت.

بەشی بکە لە
Previous Next
Close
Test Caption
Test Description goes like this