“دەوامی زانکۆ و پەیمانگاکان بەهۆی کۆرۆناوە راناگیرێت”

0
324

SNN

سەرۆکی زانکۆی سلێمانی رایگەیاند: ئەگەر رێژەی تووشبوون بە کۆرۆنا بەرزتریش ببێتەوە، خوێندن ناوەستێت لە زانکۆ و پەیمانگاکان.
ڕەزا حەسەن سەرۆكی زانكۆی سلێمانی ئەمڕۆ لە کۆنفرانسێکی رۆژنامەوانیدا وتی: بڕیار نییە خوێندنی زانکۆ و پەیمانگاکان رابگیرێت لەگەڵ خراپتربوونی رەوشی کۆرۆنا، بەڵکو شێوازی خوێندن دەگۆڕێت و خوێندنی ئاوێتە کەمدەکرێتەوە لە بەرامبەردا خوێندنی ئەلیکترۆنی زیاددەکرێت.

وتیشی: ئەمڕۆ تیمێکی تەندروستی سلێمانی پشکنینیان بۆ خوێندکارانی زانکۆی سلێمانی دەستپێکردووە، لە زانکۆکە ژمارەیەکی زۆری خوێندکار و فەرمانبەر هەیە و ئەم پشکنینە دەبێتە ئامارێکی وردی تووشبووانیان و دەکرێت سوودی لێوەربگیرێت بۆ رێگریکردن لە بڵاوبوونەوەی زیاتری کۆرۆنا.

هاوکات، یاریدەدەری سەرۆکی زانکۆی سلێمانی لە کۆنفرانسەکەدا رایگەیاند: لە بەشە ناوخۆییەکان پشکنینی کۆرۆنا دەکرێت و لەسەر بنەمای ئەوە بڕیار دەدرێت کە ئایا بە کراوەیی بهێڵدرێنەوە یاخود نا.
ئەمە لەکاتێکدایە ژمارەی تووشبوون بە کۆرۆنا لە هەرێم لە زیادبووندایە و بەرپرسانی تەندروستی لەوبارەیەوە هۆشداری دەدەن.

بەشی بکە لە
Previous Next
Close
Test Caption
Test Description goes like this