“سێ کۆمپانيا سەرقاڵی ديراسەکردنی هێڵی ئاسنن لە هەرێم”

0
180

SNN
بریكاری وەزارەتی ئاوەدانكردنەوەی حكومەتی ھەرێم رايگەياند: “سێ کۆمپانیای جیھانی لە بواری دروستكردنی ھێڵی ئاسنین، سەرقاڵی دیراسەكردنی بەھا و تێچووی پڕۆژەی ھێڵی ئاسنینن و، بڕیارە لە مانگی داھاتوودا دیراسەكە پێشكەشی وەزارەت بكەن و دواتر دەست بە ئەنجامدانی پڕۆژەكە بكرێت”.

ئاگرین عەبدوڵڵا بریكاری وەزارەتی ئاوەدانكردنەوە لە لێدوانێکيدا رايگەياندووە: “بەپێی ئەو كاتەی پێمان دراوە، بڕیارە لە مانگی داھاتوودا دیراسەكە ئامادە بكەن و پێشكەشی وەزارەتی بكەن و وەڵامی داواكاریی ئێمە بدەنەوە، چونكە سەرەتا دەمانەوێت دیراسەی ئەو پڕۆژەیە بكەین و بزانین بەھاكەی چەند دەبێت و سەركەوتوو دەبێت، كە بێگومان بەھای دەبێت و پڕۆژەكەش ئەنجام دەدرێت، بەڵام بە قۆناغ دەبێت”.

باسی لەوەشکردووە: “دوای پێشكەش كردنی دیراسەكە و تەواوبوونی، ئەوكات دەست بە جێبەجێكردن و دروستكردنی ھێڵی ئاسنین لە ھەرێمی كوردستان دەكرێت، كە ئەویش بە ھۆی گەورەیی پڕۆژەكەوە بە قۆناغ دەبێت”.

سێ كۆمپانیای جیھانی ئەو پڕۆژەیە ئەنجام دەدەن، كە دوو كۆمپانیا ئیسپانین و یەكێك ئەڵمانییە، ئەو ھێڵەی لە ھەرێم دروست دەكرێت، 915 كیلۆمەتر دەبێت و ھەر جارەو قۆناغێك دروست دەكرێت، بە جۆرێك قۆناغی یەكەم 620 كیلۆمەتر و قۆناغی دووەم 135 كیلۆمەتر و قۆناغی سێیەم 160 كیلۆمەتر دەبێت، پڕۆژەكەش بۆ سەرتاسەری ھەرێمی كوردستانە.

بەشی بکە لە
Previous Next
Close
Test Caption
Test Description goes like this