“راگری موشەکەکانی شەوی رابردوو لە کەرکوک دۆزراوەتەوە”

0
509

SNN
شانه‌ی راگه‌یاندنی ئه‌منی عێراق رایگه‌یاند: “هێزێكی سووپای عێراق، شەش راگری ئاسنیان له‌ شه‌وی رابردوو ئاشكراكردووه‌، كه‌ له‌لایه‌ن گرووپێكی ده‌رچوو له‌ یاسا مووشه‌كه‌كانی ئاراسته‌ی هه‌رێمی كوردستان كردووه”‌.

شانەی راگەياندنی ئەمنی لە راگەيەندراوێکدا بڵاويکردووەتەوە: “راگره‌ مووشه‌كه‌ییه‌كان له‌ نزیك چیای “عه‌كاشه‌” له‌ باكووری كه‌ركووكه‌وه‌ دۆزراونه‌ته‌وه‌، كه‌ بۆ مووشه‌كبارانكردنی هه‌رێمی كوردستان به‌كارهاتووه‌ و مووشه‌كه‌كان له‌ جۆری “كه‌راد” بوون”.

ئەوەش هاتووە: “ده‌زگا ئه‌منییه‌كان لێكۆڵینه‌وه‌ی زیاتر له‌سه‌ر ئه‌و كرده‌وه‌یه‌ ده‌كه‌ن، بۆئه‌وه‌ی تاوانباران ده‌ستگیر بكه‌ن و بیانده‌نه‌ دادگا”.

جه‌ختیشی كرده‌وه‌، ژووری ئۆپه‌راسیۆنی هاوبه‌شی پارێزگای كه‌ركووك له‌ هه‌وڵه‌كانیان به‌رده‌وام ده‌بن و له‌ داهاتوودا زیانیاری زیاتر ده‌خه‌نه‌ڕوو.

شەوی رابردوو، وەزارەتی پێشمەرگە لە روونکردنەوەیەکدا بڵاويکردەوە: “لە سنووری چالاکییەکانی لیوای 10ـی پیادەی وەزارەتی پێشمەرگە لە میحوەری پردێ – دبز و لە نزیک گوندی نەبی ئاوا، چەند مووشەکێک ئاراستەی پێگەکانی پێشمەرگە کراوە، بەڵام پێشمەرگە و پێگەکانی بێ زیان بوون”.

بەشی بکە لە
Previous Next
Close
Test Caption
Test Description goes like this