“بەهای دۆلار بە هیچ جۆرێک ناگەرێتەوە دۆخی جاران، هەر بڕیارێکی هەڵەش کارەسات دەخوڵقێنێت”

0
459

SNN

بانکی ناوەندی عێراقی وەڵامی تەواوی ئەو کەسو لایەنانەی دایەوە کە داوایی دابەزاندنی بەهای دۆلاریان دەکرد بەرامبەر دینار و ئاماژەی بەوەشکردووە کە بە هیچ شێوەیەک بەهای 100 دۆلاری ئەمریکی لە 145 هەزار دیناری عێراقی دانابەزێت.

ئیحسان شەمران، بەرێوەبەری گشتی ژمێریارانی بانکی ناوەندی عێراق رایگەیاند: بەهای ئێستای دۆلار بەرامەبەر دیناری عێراقی زۆر گونجاوە بەتایبەت لەگەڵ دۆخی دیراسەکراوی ئابووری عێراق، وە هەر بڕیارێکی هەڵە یان فشاری هەر لایەنێک بۆ دابەزاندنی ئەو نرخی ئێستای کە دۆلار و دینار تێیدایەتی کارەساتێکی ئابووری مێژووی لە عێراق دەخوڵقێنێت.

شەمران ئاماژەی بەوەشکرد، دابەزاندنی بەهای دیناری عێراقی سودی زۆری ئابووری هەیە، بەتایبەت بۆ بەرزکردنەوەی بەهای شمەکی ناوخۆی و گەڕانەوەت داهات بۆ دەوڵەت و پاراستنی یەدەگی دراوی بیانی و دراوی قورس، بەڵام هاووڵاتیان درک بەم راستییە ناکەن و تەنیا بیر لەوە دەکەنەوە کە بۆچی بەهای دۆلار بەرامبەر دینار دابەزیووە، بەڵام ئەوەش نازانن کە حکومەتی عێراق تەنیا لەم چەند مانگەی دابەزاندنی بەهای دینار بەرامبەر دینار 10 ترلیۆن دیناری بۆ گەڕاوەتەوە کە ئەمە سودی گەورەی ئابووری دەبێت لە داهاتوودا.

 

بەشی بکە لە
Previous Next
Close
Test Caption
Test Description goes like this