رووسیا ڤاکسینی کۆرۆنای بۆ ئاژەڵان بەرهەم هێنا

0
255

SNN

ده‌سته‌ی “روسل خوزنادزور”ی رووسی بۆ چاودێری كشتوكاڵ ئەمڕۆ یەکشەممە رایگه‌یاند: رووسیا یه‌كه‌م ڤاكسینی بۆ پارێزگاریكردنی گیانداران له‌ ڤایرۆسی كۆرۆنا به‌رهه‌م هێنا.

تا ئێستا رووسیا (3) جۆر ڤاكسینی كۆرۆنای بۆی مرۆڤ به‌رهه‌مهێناوه‌، دیارترینیان ڤاكسینی “سپۆتنیك”ه‌، ده‌سه‌ڵاتدارانی مۆسكۆ بڕیاریان داوه‌ ڤاكسینه‌كانی “میبافاك كۆرۆنا” و “كۆڤیڤاك” بۆ حاڵه‌تی له‌ناوكاو به‌كاربهێنن.

ده‌سته‌كه‌ ئاماژه‌ی به‌وه‌ كرد، ڤاكسینه‌ نوێیه‌كه‌ له‌لایه‌ن ده‌سته‌كه‌یانه‌وه ‌گه‌شه‌ی پێدراوه‌ و ناوی “كارنیڤاك- كۆڤ”ی لێنراوه‌.

كۆستانتین ساڤنكۆڤ، جێگری سه‌رۆكی ده‌سته‌كه‌ وتی: “تاقیكردنه‌وه‌ تاقیگه‌ییه‌كانی “كارنیڤاك- كۆڤ” له‌سه‌ر سه‌گ، پشیله‌، ریوی، رێوی جه‌مسه‌ری و مینك و چه‌ند گیانده‌رێكی دیكه‌ ئه‌نجام دراوه‌، ئه‌نجامی تاقیكردنه‌وه‌كان ده‌ریخست، كه‌ ڤاكسینه‌كه‌ مه‌ترسی نییه‌ و كاریگه‌ری به‌هێزی له‌سه‌ر ئه‌و گیاندارانه‌ هه‌بووه‌، كه‌ به‌ ڤاكسینه‌كه‌ كوتراون، به‌ رێژه‌ی (100%) دژه‌ ته‌نی به‌رامبه‌ر ڤایرۆسی كۆرۆنا درووست كردووه‌.

ساڤنكۆڤ ئاماژه‌ی به‌وه‌ش كرد، به‌رگرییه‌كه‌ بۆ ماوه‌ی (6) مانگ به‌رده‌وام ده‌بێت، له‌كاتێكدا توێژه‌ران خه‌رێكی ئه‌وه‌ن زیاتر گه‌شه‌ به‌ ڤاكسینه‌كه‌ بده‌ن و له‌ مانگی نیسانیشدا بڵاوده‌كرێته‌وه‌.

بەشی بکە لە
Previous Next
Close
Test Caption
Test Description goes like this