دادگای دەستووریی تورکیا داخستنی هەدەپەی رەتکردەوە

0
155
بەرزکردنەوەى ئاڵاى هەدەپە لە ئاهەنگى نەورۆزدا لە ئیستانبوڵ | فۆتۆ: MEO

SNN

ئەمڕۆ يەکەم کۆبوونەوەی ئەنجوومەنی گشتی دادگای دەستووریی تورکیا بۆ لێکۆڵینەوە لە دۆسیەی داواکردنی داخستنی پارتی ديموکراتی گەلان (هەدەپە) لە ئەنقەرەی پایتەختی تورکیا دەستیپێکرد و تێیدا داخستنی پارتەکە رەتکرایەوە.

دادگەی دەستووریی تورکیا رۆژی 19ی ئازار، زوهتو ئارسڵان، سەرۆکی دادگای باڵای دەستووریی تورکیای راسپارد، بۆ لێکۆڵینەوە لەو سکاڵانامەیەی لەلایەن داواکاری گشتیی کۆماری بۆ داخستنی هەدەپە تۆمارکراوە.

دوێنێ ئاژانسی هەواڵی ئەنادۆڵ لە راپۆرتێکیدا باسی لەوەکردبوو، ئەو نوسەرەی دادگا کە ئەرکی خوێندنەوەی دۆسیەکەی پێبەخشرابوو، راپۆرتێکی لەسەر دۆسیەکە ئامادەکردووە و پێشکەش بە دەستەی دادگای دەستووریی کردووە.

پێشتریش، جێگری سەرۆكی فراكسیۆنی پارتی داد و گەشەپێدان (ئەکەپە) لە پەرلەمانی توركیا رایگەیاند، لەگەڵ هاوپەیمانەكانیان کاردەكەن بۆ داخستنی پارتی دیموکراتی گەلان “هەدەپە.”

ئەم هەوڵەی دادگاش لەکاتێکدایە، ماوەیەکە لە توركیا هەوڵێک هەیە بۆ داخستنی پارتی دیموکراسی گەلان (هەدەپە)، لەلایەن پارتەکەى رەجەب تەیب ئەردۆغان سەرۆککۆماری تورکیا و هاوپەیمانەکەی پارتی نەتەوە پەرستی ئەو وڵاتە.

بەشی بکە لە
Previous Next
Close
Test Caption
Test Description goes like this