د.هێرش سەلیم: ناکرێت بۆ ڤاکسینی کۆرۆنا چاوەڕێی سواڵ و سەدەقە بکەین

0
262

SNN

جێگری به‌ڕێوه‌به‌ری گشتی ته‌ندروستی سلێمانی رایگه‌یاند، “ئه‌گه‌ر حكومه‌ت نیازپاكی هه‌یه‌و بودجه‌ی پێویستی داناوه‌ بۆ كڕینی ڤاكسین، ده‌توانرێت به‌زوترینكات ڤاكسینی پێویست بۆ هه‌رێمی كوردستان دابین بكرێت و چیتر چاوه‌ڕوانی سواڵ و سه‌ده‌قه‌ نه‌كه‌ین”.

د. هێرش سه‌ید سه‌لیم جێگری به‌ڕێوه‌به‌ری گشتی ته‌ندروستی سلێمانی له‌په‌یامێكدا كه‌ ئاراسته‌ی سه‌رۆكایه‌تی حكومه‌ت و وه‌زاره‌تی ته‌ندروستی هه‌رێمی كوردستانی كردوه‌، لیستێكی ڤاكسینه‌كانی كۆرۆنای بڵاوكردوه‌ته‌وه‌ و نوسیویه‌تی، “ئه‌و لیسته‌ی ڤاكسینه‌ی خواره‌وه‌ به‌شێكه‌ له‌و هه‌وڵانه‌ی كه‌ ئه‌گه‌ر حكومه‌ت نیازپاكی هه‌یه‌و بودجه‌ی پێویستی داناوه‌ بۆ كڕینی ڤاكسین، به‌و بڕی پاره‌یه‌ی به‌رامبه‌ری دیاریكراوه‌ له‌ ماوه‌یه‌كی كورتدا ده‌توانێت له‌ ڕێگای كۆمپانیای ڕێگه‌ پێدراو دابینیبكات و  نزیكه‌ی 2.000.000 (دو ملیۆن) هاوڵاتی هه‌رێمی كوردستان  سودمه‌ند ببن و به‌ زوترینكات بگاته‌ هه‌رێمی كوردستان چاوه‌ڕێی سواڵ و سه‌ده‌قه‌ نه‌كه‌ین”.

ده‌شڵێت، “فه‌رمون ئه‌مه‌ عه‌رزو ئه‌مه‌ گه‌ز، با چیتر چاوه‌ڕێی به‌رزبونه‌وه‌ی ئامار و مردنی هاونیشتمانیانمان  نه‌كه‌ین”.

بەشی بکە لە
Previous Next
Close
Test Caption
Test Description goes like this