تەندروستی هەرێم روونکردنەوە لەسەر ئاستی سەلامەتی ڤاکسينی ئەسترازينکا دەدات

0
138

SNN

وتەبێژی وەزارەتی تەندروستی هەرێم بە SNNی راگەياند: “سەبارەت بەو راپۆرتە تەندروستيانەی باسی حاڵەتی خوێن مەين دەکەن بەهۆی بەکارهێنانی ڤاکسينی ئەسترازينکاوە، ئیمە بەجۆرێک مامەڵەی لەگەڵدا دەکەين پشت بە رێکخراوی تەندروستی جيهانی دەبەستين کە تا ئێستا لای ئەوان ئەو ڤاکسينە پەسەندە”.

ئاسۆ حەوێزی وتەبێژی وەزارەتی تەندروستی هەرێم بە SNNی راگەياند: “تا ئێستا ڤاکسينەکە کاريگەری ئەوتۆی نييە تا رابگيرێت و بەکارنەهینرێت، هەتا تەندروستی جيهانی لای پەسەند بێت بەکارەدەهێنين، چونکە هەر حاڵەتێک هەبیت لە رووی زانستييەوە پشتراست دەکرێتەوە و رادەگيرێت”.

وتيشی “بەکارهێنانی ڤاکسينەکە لە هەرێمی کوردستان بەردەوامە بەپێی ئەو پرۆتۆکۆڵەی کە هەيە لە زۆربەی شوێنەکان بەساڵاچوان دەستپێدەکات، چاودێری تەندروستی ئەو کەسانە دەکەن کە ڤاکسينەکە وەردەگرن”.

دەشڵێت “تا ئیستا هيچ کاريگەرييەکی لاوەکی لە ڤاکسەنەکە لە هەرێم بەدەنەکراوە و هەر حاڵەتیک هەبێت رايدەگەيەنين”.

بەپێی راپۆرتی دەزگای رێکخستنی دەرمان و چاودێری تەندروستی سەر بە وەزارەتی تەندروستی بەڕيتانيا: “تا ئێستا زياتر لە 18مليۆن و 100 هەزار کەس ڤاکسينی ئەسترازينکايان وەرگرتووە لەو ژمارەيەش 30 کەسيان تووشی مەينی خوێن بوون، حەوت کەسيان گيانيان لەدەستداوە”.

بەشی بکە لە
Previous Next
Close
Test Caption
Test Description goes like this