جەلال نوری “بە هەوڵی قوباد تاڵەبانی زەوی بەسەر زیندانیانی سیاسی دابەشدەکرێت”

0
248

SNN

ئەمڕۆ یەکشەممە جەلال نوری سەرپەرشتیاری ئیدارەی گەرمیان و هەریەکە لە بەڕێوەبەری گشتی شارەوانییەکانی گەرمیان و سەرۆکی شارەوانی کەلار لە دیوانی ئیدارەی گەرمیان لەگەڵ نوێنەری زیندانیانی سیاسی لەگەرمیان کۆبوونەوە و لە دوای کۆبوونەوە رایانگەیاند: ئێمە لە ئیدارەی گەرمیان سوپاس و پێزانینمان ھەیە بۆ ھەوڵی قوباد تاڵەبانی جێگری سەرۆکی حکومەت، کەڕۆڵی ھەبوو لەچارەسەرکردنی ئەو کێشە و گرفتانەی رێگر بوون لەپێدانی زەویی بەزیندانیانی سیاسی لە کەلار.

وتیشی، “لەئێستادا ھەموو رێکارە یاسایی و کارگێرییەکانمان تەواوکردوە بۆ ئەوەی بتوانرێت زەوی بەسەر زیندانیانی سیاسی دابەشبکرێت، لە چەند رۆژی داھاتووشدا بەپێی میکانیزمی گونجاو ژمارەی زەوی دەبەخشرێتە زیندانیانی ساسی و دواتر زەویەکەیان پێدەدرێت”

لای خۆشیەوە بەرزان کەریم بەرێوەبەری گشتی شارەوانییەکانی گەرمیان رایگەیاند: ژمارەی زیندانیانی سیاسیی سودمەندنەبوو لەزەوی نزیکەی 980 ھاووڵاتییە وەکو بەڕێوەبەرایەتی گشتی شارەوانییەکانی گەرمیانیش کاری تەواوکراوە بۆ قەرەبووکردنەوەی ئەو زەوییانەی کە زەویی کشتوکاڵی بوون و موڵکی بەشێک لە ھاووڵاتیان بوون کە ئێستا دەکرێن بەزەویی نیشتەجێبوون.

ھاوکات ئەکرەم ساڵح سەرۆکی شارەوانی کەلار رایگەیاند: ئەو ژمارانەی کە دەدرێن بەزیندانیانی سیاسیی لەھەنگاوی یەکەم ژمارەکان ھەواین تا ئەوکاتەی فەرمانی کارگێرییان بۆ دەردەچێت و زەویەکەیان بۆ تەرخاندەکرێت.

لای خۆیانەوە نوێنەرانی زیندانیانی سیاسیی لەگەرمیان جەختی لەوەکردەوە، سوپاسی ئیدارەی گەرمیان و فەرمانگە پەیوەندیدارەکانیان کرد لەبەرامبەر بەھەند وەرگرتنی پرس بەخشینی زەوی پێیان و چارەسەرکردنی ئەە کێشەنەی لەمپەر بوون لەبەردەم پرۆسەکە. جەختیشیان کردەوە، تەنیا ئەو زیندانە سیاسیانە زەوی وەردەگرن کەپێشووتر سودمەند نەبوون.

زەویی زیندانیانی سیاسی گەرمیان لەشاری کەلار و لەسەر جادەی پشتێنەیی کەلار دەدرێت بەو زیندانیە سیاسیانە کە بەپێی رێکارەکان لێی سودمەند دەبن.

بەشی بکە لە
Previous Next
Close
Test Caption
Test Description goes like this