پەرلەمانتارێکی پارتی لەبارەی سەردانێکی بۆ شاری کەرکوک روونکردنەوە دەدات

0
382

SNN

پەرلەمانتارێکی پارتی لە پەرلەمانی عێراق ئەمڕۆ دووشەممە سەردانی پارێزگای کەرکوکی کردووە و دەڵێت “بۆ پیرۆزبایی بووە لە دەستبەکاربوونی فه‌رمانده‌ی ئۆپه‌راسیۆنی شارەکە” هەندێک میدیاش دەڵێن په‌یامێکی حیزبەکەی له‌گه‌ڵ خۆی بردووە”.

ناسر هەرکی بڕیاردەری لیژنە ئەمن و ئاسایشی پەرلەمانی عێراق بە SNNی راگەیاند “سەردانەکەی بۆ پیرۆزباییکردن بووە لە هه‌ریه‌ك له‌ فەریق روكن عەلی فرێجی فه‌رمانده‌ی ئۆپه‌راسیۆنی كه‌ركوك و لیوا علی كەمال فه‌رمانده‌ی پۆلیسی شارەکە”.

رەتیشیکردەوە کە هیچ پەیامێکی پارتی بۆ بەرپرسانی ئەمنیی شاری کەرکوک پێبووبێت، وتی: “ئەوە کاری من نییە و من وەک لیژنەیەکی ئەمنی و سەربازیی عێراقی چوومەتە کەرکوک”.

لە هەندێک میدیا بڵاوکراوەتەوە کە له‌ شاری هه‌ولێره‌وه‌ شاندێکی پارتی له‌ ئه‌نجومه‌نی نوێنه‌رانی عێراق سه‌ردانی که‌رکوکی کردووە و له‌گه‌ڵ ده‌زگا ئه‌منییه‌کانی شاره‌که‌ کۆبووەتەوە و په‌یامی پارتی له‌گه‌ڵ خۆی هێناوه،‌ به‌ڵام نه‌زانراوه‌ په‌یامه‌که‌ی چی بووه‌.

هەرکی رایگەیاند “کە کاری ئەو گەیاندنی پەیامی حیزبەکەی نییە، گەیاندنی پەیام ئەرکێکی حیزبییە و بەرپرسانی پارتی دەبێت بە کاری وا هەستن، ئێمە وەک پەرلەمانتارێکی عێراقی سەردانی ئەو شارەمان کردووە”.

بەشی بکە لە
Previous Next
Close
Test Caption
Test Description goes like this