ئەمریکا سزا بەسەر تورکیا دەسەپێنێت

0
866

SNN

وەزارەتی دەرەوەی ئەمریکا رایگەیاندووە سزا بەسەر دەزگایەکی ئەمنی تورکیا و چوار بەرپرسی تورکی دەسەپێنن، ئەوەش لە کاردانەوەی کڕینی سیستەمی بەرگری مووشەکی روسی لەلایەن تورکیاوە.

وەزارەتی دەرەوەی ئەمریکا ئاماژەی بۆ ئەوەکردووە: سزاکە دەزگای پیشەسازییە بەرگرییەکانی سەرۆکایەتی تورکیا کە بە SSB ناسراوە دەگرێتەوە، یەکێک لەو چوار بەرپرسەش سەرۆکی ئەو دەزگایەیە بەناوی ئیسماعیل دەمیر، ئەوانی دیکەش جێگر و سەرۆکی بەسی بەرگری ئاسمانی و بۆشایی ئاسمان، بەڕێوەبەری پرۆگرامی سیستەمی بەرگری ئاسمانی ناوچەییە.

سزاکان لە چوارچێوەی یاسایەکی ئەمریکادایە بەناوی “ماددەی بەڕەنگاربوونەوەی نەیارانی ئەمریکا لە رێگەی سزاوە” کە کورتکراوەکەی CAATSAیە کە سزا بەسەر ئەو کەس و لایەنانە دەسەپێنێت کە هەماهەنگی و کار لەگەڵ نەیاری ئەمریکا دەکەن.

بە گوێرەی ئەمریکا ئەو کەسانەی سزایان بەسەردا دەسەپێندرێت پەیوەندییان لەگەڵ کەرتی بەرگری و هەواڵگری روسیا هەیە.

هەر لە کاتی ئیدارەی ترەمپەوە تا ئێستا بەرپرسانی کۆنگرێس هەوڵەکانیان چڕکردبووەوە بۆ سەپاندنی سزا بەسەر تورکیا و چەندین جار لەرێگەی کۆکردنەوەی واژووە فشاریان لە سەرۆک و وەزارەتی دەرەوەی ئەمریکا کردووە هەڵوێست دژ بە تورکیا بنوێنن.

 

بەشی بکە لە
Previous Next
Close
Test Caption
Test Description goes like this