گفتوگۆی ناراستەوخۆی نێوان ئەمریکا و ئێران لە ڤییەننا دەستپێدەکات

0
198

SNN

جین ساکی وتەبێژی کۆشکی سپی دەڵێت: “گفتوگۆ ناراستەوخۆکانی نێوان واشنتن و ئێران ئەمڕۆ پێنجشەممە لە ڤییەننا دەستپێدەکەنەوە، کە ئامانج لێی زیندووکردنەوەی رێککەوتننامەی ئەتۆمییە”.

رۆژی هەینی 2ی نیسانی 2021، وڵاتانی ئەندام لە رێککەوتنی ئەتۆمیی ئێران، جگە لە ئەمریکا، بەشێوەی ڤیدیۆکۆنفرانس کۆبوونەوە و دواتر رایانگەیاند، ئەمریکا و ئێران رازیبوون لە ڤیەننای پایتەختی نەمسا بە جیا کۆبوونەوەیان لەگەڵدا بکەن.

پێشتر و لە بەیاننامەیەکدا هەریەک لە وڵاتانی فەرەنسا و بەریتانیا و ئەڵمانیا نیگەرانیی خۆیان لە بەردەوامیی پیتاندنی یۆرانیۆم دەربڕی لەلایەن حکومەتی ئێرانەوە.

هاوکات محەمەد جەواد زەریف وه‌زیری ده‌ره‌وه‌ی ئێران دەڵێت: “سه‌رۆكی ئه‌مریكا، جۆ بایدن و كامالا هاریسی جێگری له‌به‌رده‌م دوو رێگه‌دان، یان ده‌گه‌ڕێنه‌وه‌ بۆ رێككه‌وتنی ناوەكی 2015ی نێوان ئێران و وڵاتانی پێنج كۆ یه‌ك، یاخود به‌رده‌وام ده‌بن له‌سه‌ر رێگه‌ شكستخواردووه‌كه‌ی ئیداره‌ی تره‌مپ”.

وڵاتانی ئەوروپا، چین و رووسیا دان بەوەدا دەنێن کە چاوەڕێ ناکەن کۆبوونەوەکانی ڤیەننا خێرا کۆتایی بە ناکۆکییەکانی ئێران و ئەمریکا بهێنن، بەڵام بە سەرەتایەکی باش بۆ گەڕانەوەی دیپلۆماسی دایاندەنێن.

بەشی بکە لە
Previous Next
Close
Test Caption
Test Description goes like this