عێراق بانگهێشتنامەی بۆ 75 وڵات و رێکخراو ناردووە بۆ چاودێری هەڵبژاردنەکان

0
203

SNN

کۆمسیۆنی باڵای هەڵبژاردنەکانی عێراق رایگەیاند: “وەزارەتی دەرەوەی عێراق پەیوەندی لەگەڵ هەموو کونسوڵخانەکانی عێراق کردووە بۆ چاودیریکردنی هەڵبژاردنەکان، کە مانگی 10ی ئەمساڵ بەڕێوەدەچێت”.

جومانە غوڵای وتەبێژی کۆمسیۆنی باڵای هەڵبژاردنەکانی عێراق رايگەياند: “بە هەماهەنگی لەگەڵ وەزارەتی دەرەوە بانگێشتنامەمان بۆ 75 باڵیۆزخانەی عەرەبی و بیانی و رێکخراوە نێودەوڵەتییەکان ناردووە بە ئامانجی چاودێریکردنی پرۆسەی هەڵبژاردن، بۆ ئەوەی پرۆسەکە تەواو پاک و شەفافانە بەڕێوەبچێت”.

وتيشی “نوێنەری بەشێک لە باڵيۆزخانەکانی وڵاتان سەردانی بنکەکانی ئامادەکاری دەنگدانيان کردووە”، بەڵام وردەکاری زياتری نەخستەڕوو.

بڕيارە 10 تشرينی يەکەمی ئەمساڵ هەڵبژاردن لە عێراق بەڕێوەبچێت، کۆمسيۆنيش پێشتر رايگەياند: “تا ئێستا 250 حزب و 30 هاوپەيمانی ناويان تۆمارکردووە بۆ بەشداری لە هەڵبژاردنەکان”.

بەشی بکە لە
Previous Next
Close
Test Caption
Test Description goes like this