ئەمریکا راپۆرتی رەوشی مافەکانی مرۆڤی لە عێراق بڵاوکردەوە

0
153

SNN

وەزارەتی دەرەوەی ئەمریکا راپۆرتی ساڵانەی لەبارەی رەوشی مافەکانی مرۆڤ لە هەرێمی کوردستان و عێراق بڵاوکردووەتەوە و چەندین رەخنە دەگرێت بەتایبەت لەبارەی ئازادی رۆژنامەوانی.

لە راپۆرتەکەدا هاتووە: “هێزەکانی حکومەتی نێوەندی و حکومەتی هەرێمی کوردستانیش، ئەو خۆپیشاندەران و چالاکوانانی ڕەخنەیان لێگرتوون دەستگیرکردووە و لە گرتوخانە و زیندانەکاندا هێڵدراونەتەوە”.

دەشڵێت: “بەهۆی سزا نەدانی ئەوانەی توندوتیژی و دەستدرێژی دەکەنە سەر ڕۆژنامەوانی و نەبوونی دەسەڵاتێکی سەربەخۆی دادوەریی و نەبوونی دەستەیەکی ڕێکخستنی کاروباری ڕۆژنامەوانی، وەهایان کردووە چالاکی ڕۆژنامەوانی سنورداربێت”.
لەبارەی عێراقیشەوە دەڵێت: “گەندەڵی، تەگەرەی سەرەکییە لەبەردەم فەرمانڕەوایەتییەکی باش و گونجاودا لە عێراق. بوونی میلیشیا چەکدارەکان کە ڕاستەوخۆ دەستیان لە گەندەڵیدا هەیە، ڕۆڵیان هەیە لە پاراستنی کاربەدەستانی گەندەڵدا، ئەمەش وەهای کردووە درێژەدان بە ئەرکی بەرەنگاربوونەوەی گەندەڵی ئێجگار قورس بێت، “ڕۆژنامەی ئیندپێندەنت”ی بەریتانی لە ڕاپۆرتێکدا ئاماژەی بەوە کردووە بڕی 300 ملیار دۆلار لەو پڕۆژانەدا بەکارهاتووە کە وەهمین.
لە خاڵێکی دیکەدا دەڵێت: “بەپێی ڕاپۆرتی یونامی، لە بڵاوبوونەوەی پەتای کۆرۆناوە، دەستدرێژیکردنی سێکسی و توندوتیژی خێزانی و ئازاردانی جەستەیی خود و هەراسان کردنی ئەوانەی تەمەنیان لە ژێر 18 ساڵیەوەیە زیادیان کردووە، هۆکارێکی تریش خراپ بوونی ڕەوشی ئابورییە. ئەم دیاردەیە لە هەرێمی کوردستانی عێراقیشدا هەیە و بەپێی ڕاپۆرتەکان بەهۆی ئەو ڕەوشەوە خەڵکانیک هەن بیر لە خۆکوشتن دەکەنەوە.
راپۆرتەکەی وەزارەتی دەرەوەی ئەمریکا لە 59 لاپەڕە پـێکهاتووە، سەرنجی خستووەتەسەر چەندین پرسی جیاواز، لەوانە دۆخی زیندانەکان و دەستگیرکردنی هەڕەمەکی لە عێراق، رەوشی شەنگال، خراپی دەسەڵاتی دادوەری و چەندین پرسی دیکە.
بەشی بکە لە
Previous Next
Close
Test Caption
Test Description goes like this