پسپۆڕێک هۆکاری زیادبوونی حاڵەتەکانی کوشتن و خۆکوشتن رووندەکاتەوە

0
930

SNN

روداوەکانى کوشتن و خۆکوشتن لە هەرێمى کوردستان لە هەڵکشاندایە و پسپۆرانى بوارى کۆمەڵایەتى هۆشدارى دەدەن لە ئەگەرى چارەسەر نەکردنى چاوەڕوان دەکرێت ئیتر کەس بۆ مەرگى ئەزیزانى رانەچڵەکێت.

لەتیف حسێن، پسپۆرى بوارى کۆمەڵایەتى بە SNNى راگەیاند” ئه‌وه‌ی ئێستا رووده‌دات زه‌نگێکی مه‌ترسیداره‌، ناسه‌قامگیریی سیاسی ئابووری و کۆمه‌ڵایه‌تی و به‌رده‌ستبوونی ئه‌و هه‌مووه‌ چه‌که‌، نه‌مانی ئارامی و گوێگرتن له‌ کێشه‌کانی یه‌کتری، سڕینه‌وه‌ی په‌یوه‌ندییه‌کانی نێوانمان، نائارامی و شیرازه‌ی کۆمه‌ڵگه‌و کۆمه‌ڵایه‌تی تێکداوه‌، بێباکی له‌ ئاست ئه‌م رووداوانه ‌و مامه‌ڵه‌ی خراپی میدیا له‌گه‌ڵ ئه‌م کاره‌ساتانه‌دا کۆمه‌ڵگه‌ به‌ره‌و نائارامی زیاتر ده‌بات”.

وتیشى” به‌رده‌وامیدان به‌م ناسه‌قاگیرییه‌ ئابووری و سیاسی و کۆمه‌ڵایه‌تییه‌ی ئێستا و چاره‌سه‌ر نه‌کردنی له‌ ئاینده‌ی نزیک له‌ ئێستا خراپتر له‌م کۆمه‌ڵگه‌یه‌ چاوه‌ڕوان ده‌کرێت”.

هاوکات ئاماژەى بەوەش کرد”دۆخی ئابووری و په‌روه‌رده‌و ناسه‌قامگیریی دۆخی سیاسیی، ئه‌م کاره‌ساتانه‌ دروست ده‌بێت”.

رونیشى کردەوە” بۆ چارەسەر کردنى ئەم دۆخە پێویستە هەڵمەتێکى هۆشیارى ئەنجام بدرێت و حکومەتى هەرێمیش بە جدى کار بکات بۆ باشکردنى بارودۆخى ئابوورى و بژێوى هاوڵاتیان و هاوکات بەها بۆ مرۆڤایەتى بگەڕێتەوە و هەریەک لەلایى خۆیەوە دەتوانێت دەست پێ بکات ئەگەرنا بە پێچەوانەوە ڕۆژگارێک واى لێدێت کەس بۆ مەرگى مرۆڤێک رانەچلەکێت”.

بەشی بکە لە
Previous Next
Close
Test Caption
Test Description goes like this