پێنجەم پەرلەمانتاری عێراق بە کۆرۆنا گیانیلەدەستدا

0
356

SNN

سەر لەبایانی ئەمڕۆ پێنجشەممە بەهۆی تووشبوونی بە ڤایرۆسی کۆرۆنا، عەدنان ئەسەدی پەرلەمانتار و سەرکردە لە حیزبی دەعوە پاش دوو هەفتە مانەوە لە نەخۆشخانە، گیانیلەدەستدا.

پێش دوو هەفتە لەمەوبەر نووسینگەی تایبەتی عەدنان ئەسەدی سەرکردەی دیاری حیزبی دەعوە رایگەیاندبوو کە پاش خراپبوونی دۆخی تەندروستی بەهۆی کۆرۆناوە، گواستراوەتەوە بۆ نەخۆشخانە.

لەوەتەی ڤایرۆسی کۆرۆنا لە عێراق سەریهەڵداوە، ئەمە پێنجەم پەرلەمانتاری ئەنجوومەنی نوێنەرانی عێراقە بەهۆی تووشبوونیان بەو پەتایە گیانیانلەدەستداوە.

پێشتر هەریەک لە ئارام ناجی، غەیدا کمبس، حسێن زهێری، عەلی عەبودی-ش کە پەرلەمانتار بوون، پاش تووشبوونیان بە کۆرۆنا گیانیانلەدەستداوە.

عەدنان ئەسەدی لە سەردەمی ئەنجوومەنی حوکمەوە لە عێراق وەک سیاسی دەسەڵاتی هەبووە لە وەزارەتی ناوخۆ و ساڵی 2010 بووتە وەزیری ناوخۆ لەسەردەمی نوری مالیکی و دواتر چووەتەوە ئەنجوومەنی نوێنەران وەک نوێنەری پارێزگای موسەننا.

بەشی بکە لە
Previous Next
Close
Test Caption
Test Description goes like this